Չինաստան. ԱՄՆ-ն խոչընդոտում է խաղաղության հասնելու երկրների ջանքերի արդյունավորմանը
Չինաստանի ԱԳՆ խոսնակը հայտարարել է, որ ԱՄՆ-ն Ուկրաինայի և Ռուսաստանի միջև խաղաղության հաստատման գլխավոր խոչընդոտն է:
ԻՌՆԱ-ի հաղորդմամբ՝ Մաո Նինգը քննադատել է Ռուսաստանի և Ուկրաինայի միջև խաղաղություն հաստատելու երկրների ջանքերի առնչությամբ ԱՄՆ-ի գործողությունները և նշել. «ԱՄՆ-ն ի՞նչ նպատակ է հետապնդում» :
Նա հավելել է. «Պեկինը կառուցողական դեր է խաղում Ռուսաստանի և Ուկրաինայի միջև ճգնաժամի լուծման գործում, մինչդեռ ԱՄՆ-ն միայն խոչընդոտում է խաղաղ բանակցությունների համար այլ երկրների ջանքերի արդյունավորմանը՝ մեծացնելով լարվածությունը»։
Չինաստանի ԱԳՆ խոսնակը նշել է, որ Պեկինը ողջունում է Սաուդյան Արաբիայի և Սիրիայի միջև կայացած՝ դեսպանատները վերաբացելու համաձայնությունը։
Նա նշել է. «Սիրիայի վերադարձը արաբական խումբ դրական կազդի այդ երկրների միասնության վրա: Մենք աջակցում ենք արաբական երկրների միջև համակարգմանը և համատեղ ջանքերով ռազմավարական անկախության ձեռք բերմանն ու տարածաշրջանում կայունության հաստատմանը»:
Ռուսաստանի և Ուկրաինայի միջև պատերազմը, լայնածավալ քաղաքական, ռազմական, տնտեսական և սոցիալական հետևանքներով, շարունակվում է արդեն 13 ամիս: Այս ժամանակահատվածում, Արևմուտքը հատկապես՝ ԱՄՆ-ը, խստացնելով Ռուսաստանի դեմ պատժամիջոցները և Կիևին բոլոր տեսակի թեթև ու ծանր զինատեսակներ մատակարարելով, ոչ միայն որևէ քայլ չի կատարել պատերազմը դադարեցնելու ուղղությամբ, այլ ավելի է թեժացրել հակամարտության կրակը:
