Բայդենը մեղադրել է Չինաստանին ԱՄՆ-ին պատվանդանից հեռացնելու փորձի մեջ
ԱՄՆ նախագահ Ջո Բայդենը CNN-ին տված հարցազրույցում ասել է, որ կարծում է, որ հնարավոր է Չինաստանի հետ աշխատանքային կապեր հաստատել, որոնք ապագայում օգուտ կբերեն երկու երկրներին։
«Կարծում եմ, որ երկրների միջև դժվարությունները վերացնելու, ինչպես նաև Չինաստանի հետ հարաբերություններ կառուցելու ճանապարհ կա, որը օգուտ կբերի մեր երկու երկրներին»,- ասել է Բայդենը։
Նա նաև վստահություն է հայտնել, որ Չինաստանի նախագահ Սի Ծինփինը ձգտում է դուրս մղել ԱՄՆ-ին աշխարհի առաջատար ռազմական և տնտեսական տերության պատվանդանից։
«Ես վստահ եմ, որ նա ցանկանում է ունենալ աշխարհի ամենամեծ տնտեսությունը և ամենամեծ ռազմական հնարավորությունները», - ասել է Բայդենը:
Բայդենը նաև նշել է, որ չի տեսնում Չինաստանի ցանկությունը պատերազմ կամ հակամարտություն սկսել ԱՄՆ-ի հետ, չի տեսնում նաև սեփական տարածքն ընդլայնելու հավակնություններ Պեկինի կողմից։
tert.am
