Ալիև. Հայաստանն է տարածաշրջանում լարվածության պատճառը

ԱՄՆ պետքարտուղարի հետ հեռախոսազրույցում Ադրբեջանի նախագահը նշել է, թե տարածաշրջանում ռազմական լարվածության պատճառը Հայաստանն է։

ԱՄՆ պետքարտուղար Էնթոնի Բլինքենը և Իլհամ Ալիևը հեռախոսազրույցում քննարկել են  Բաքվի և Երևանի միջև խաղաղության հաստատման գործընթացին, ինչպես նաև տարածաշրջանում վերջին իրավիճակին առընչվող հարցեր: 
Հեռախոսազրույցում Ալիևը նշել է, որ Հայաստանի սադրիչ գործողությունները խոչընդոտում են խաղաղության գործընթացին և այս երկրի ինքնիշխան տարածքում հայկական զինված ուժերի շարունակական «ապօրինի» ներկայությունը տարածաշրջանում ռազմական լարվածության պատճառն է։