Արձագանքներ՝ Նեթանյահուի և Գալանտի ձերբակալության օրդերի տրամադրման վերաբերյալ
Միջազգային քրեական դատարանի որոշումը՝ կապված իսրայելցի որոշ պաշտոնյաների կալանավորման օրդերի տրամադրման հետ, ունեցել է տարբեր արձագանքներ։
Միջազգային քրեական դատարանի դատախազությունը երեկ (մայիսի 20) հայտարարեց, որ Իսրայելի վարչապետ Բենիամին Նեթանյահուին և նրա պատերազմի նախարարին կալանավորելու օրդեր է տվել՝ ռազմական հանցագործությունների մեղադրանքով։
Եվրամիության արտաքին քաղաքականության պատասխանատու Ջոզեպ Բորելը ասել է, որ Միջազգային քրեական դատարանը անկախ միջազգային կառույց է, և այն երկրները, որոնք վավերացրել են նրա կանոնադրությունը, պարտավոր են կատարել նրա որոշումները։
ԱՄՆ Վերմոնտ նահանգի անկախ սենատոր Բեռնի Սանդերսն էլ ասել է, որ Միջազգային քրեական դատարանի գլխավոր դատախազն իրավունք ունի ձերբակալության օրդեր տալ այն քաղաքական գործիչների համար, ովքեր ներգրավված են ռազմական հանցագործությունների մեջ։
Պետք է հարգել միջազգային օրենքները, հավելել է Սանդերսը, այլապես աշխարհը կարող է ընկնել քաոսի, բարբարոսության և մշտական պատերազմների մեջ։
Ֆրանսիայի, Գերմանիայի, Իռլանդիայի և Հարավային Աֆրիկայի արտաքին գործերի նախարարությունները, պաշտպանելով Միջազգային քրեական դատարանի անկախությունը, և դատապարտելով Միջազգային քրեական դատարանի և նրա պաշտոնյաների դեմ ուղղված սպառնալիքը, հայտարարել են, որ պետք է հարգել Միջազգային քրեական դատարանի անկախությունն ու անաչառությունը։
Գազայի հատվածի վրա Իսրայելի դաժան հարձակման սկզբից ի վեր նահատակվել է շուրջ 35600 պաղեստինցի, վիրավորվել՝ 80 հազարը։
