Համաշխարհային ժառանգության 50 օբյեկտ կլիմայի փոփոխության պատճառով կարող է անհետանալ

Մինչև 2050 թվականը ՅՈՒՆԵՍԿՕ-ի համաշխարհային ժառանգության տասնյակ վայրեր կարող են ոչնչացվել կլիմայի փոփոխության պատճառով:

Այս մասին հայտնում է Daily Mail-ը։ Climate X-ի հետազոտողները օգտագործել են կլիմայական մոդելներ՝ կանխատեսելու համար, թե ինչպես են ջրհեղեղները, ափամերձ էրոզիան, սողանքները, քամու վտանգները, փոթորիկները և ցիկլոնները կազդեն աշխարհի տեսարժան վայրերի վրա:

«Մեր բացահայտումները ծառայում են որպես կոշտ նախազգուշացում կառավարություններին, բնապահպաններին և համաշխարհային հանրությանը, որպեսզի առաջնահերթություն տան մեր մոլորակի պաշտպանությանը՝ պահպանելով մեր հնավայրերը, մեր ներկայիս ակտիվներն ու ենթակառուցվածքները, և պաշտպանելով կյանքը այսօր և ապագայում», - ասել է  Climate X-ի հիմնադիրը։

Ոչնչացման սպառնալիքի տակ են Սիդնեյի օպերային թատրոնը, Ալպերում Jungfrau-Aletsch պահպանվող տարածքը, Կակադու ազգային պարկը, Շոտլանդիայի The Forth Bridge-ը, Չինաստանի Կուանչժոու նավահանգստային քաղաքը, Ֆրանսիայի հարավում գտնվող Շովետ քարանձավը, Հնդկաստանի Արևի տաճարը և այլ տեսարժան վայրեր ու մշակութային  օբյեկտներ։