Ռուսաստանի նախազգուշացումն Արևմուտքին. Կրակի հետ մի խաղացեք
Parstoday- ՌԴ ԱԳ նախարարը Ռուսաստանի դեմ «Փոթորկի ստվեր» կոչվող հրթիռներ օգտագործելու Արեւմուտքի թույլտվությունը «կրակի հետ խաղ» է անվանել։
Քննադատելով Վաշինգտոնի և նրա դաշնակիցների սադրիչ գործողությունները՝ Ռուսաստանի կառավարությունը զգուշացրել է, որ Երրորդ համաշխարհային պատերազմը չի սահմանափակվելու Եվրոպայով։ Ըստ ParsToday-ի՝ վերջին շաբաթներին բրիտանացի պաշտոնյաները հակասական հայտարարություններ են արել՝ կապված ռուսական տարածքի խորքերը հարձակվելու համար «Փոթորկի ստվեր» հրթիռների օգտագործման հարցում Կիևին թույլտվության տրամադրման հետ։
Ըստ արևմտյան ԶԼՄ-ների՝ բրիտանացիները միտումնավոր խառնաշփոթ են ստեղծում այս հայտարարություններով, որպեսզի թաքցնեն ճշմարտությունը Ռուսաստանի տարածքի խորքերը հարձակվելու համար այդ հրթիռները օգտագործելու հարցում Ուկրաինային թույլտվություն տալու կամ չտալու մասին։
Այդ կապակցությամբ ՌԴ ԱԳ նախարար Սերգեյ Լավրովն ընդգծել է, որ Ռուսաստանի դեմ հեռահար զենք կիրառելու Արեւմուտքի թույլտվությունը «կրակի հետ խաղ» է։
Մոսկվան արդեն զգուշացրել է արևմտյան երկրներին Ուկրաինային զինելու և լարվածության աճի մասին։
Այս առնչությամբ ամերիկացի լրագրող և Պուլիտցերյան մրցանակի դափնեկիր Սեյմուր Հերշը սոցցանցերում իր հաղորդագրության մեջ գրել է. «Արդյո՞ք Միացյալ Նահանգների փոխնախագահ, այս երկրի նախագահական ընտրություններում Դեմոկրատական կուսակցության թեկնածու Քամալա Հարիսը, նախագահ ընտրվելու դեպքում, հավատարիմ կմնա Ռուսաստանի դեմ պատերազմում Ուկրաինային Ջո Բայդենի աղետալի աջակցության քաղաքականությանը և կշարունակի դա»:
Նշելով, որ Բայդենի քաղաքականությունը ուկրաինական պատերազմի հարցում հակասական է դարձել, նա ասաց, որ Վաշինգտոնը մի կողմից ֆինանսական օգնություն և զենք է տրամադրում Կիևին, իմանալով, որ Ուկրաինան չի հաղթի այս պատերազմում, իսկ մյուս կողմից՝ հրաժարվում է մասնակցել բանակցություններին, որոնք կարող են վերջ տալ այս հակամարտությանը:
Բանալի բառակապակցություններ՝ Ռուսաստան և Ուկրաինա, Ուկրաինական պատերազմ, Ամերիկա և Ռուսաստան, Ռուսաստան և ՆԱՏՕ, Սերգեյ Լավրով