ՉԺՀ արտգործնախարարը կայցելի ՌԴ ԲՐԻԿՍ–ի գծով հանդիպմանը մասնակցելու համար. ԱԳՆ
Սեպտեմբերի 11-12-ը ՉԺՀ արտգործնախարար Վան Ին Ռուսաստան կայցելի` մասնակցելու անվտանգության հարցերով ԲՐԻԿՍ երկրների բարձրաստիճան ներկայացուցիչների հետ հանդպիմանը։ Այս մասին, ՌԻԱ Նովոստիի փոխանցմամբ, այսօր ճեպազրույցի ժամանակ հայտարարել է Չինաստանի ԱԳՆ պաշտոնական ներկայացուցիչ Մաո Նինը։
«Սեպտեմբերի 11-12-ը ՌԴ անվտանգության խորհրդի քարտուղար Սերգեյ Շոյգուի հրավերով Չինաստանի Կոմունիստական կուսակցության կենտկոմի քաղբյուրոյի անդամ, արտաքին գործերով Չինաստանի Կոմունիստական կուսակցության կենտկոմի հանձնաժողովի գրասենյակի ղեկավար Վան Ին Սանկտ Պետերբուրգում կմասնակցի անվտանգության հարցերով ԲՐԻԿՍ երկրների բարձր ներկայացուցիչների 14-րդ նիստին», – հայտնել է դիվանագետը։
Նա հավելել է, որ «հանդիպման ընթացքում չինական կողմը կարծիքներ կփոխանակի ԲՐԻԿՍ գործընկերների հետ` կապված միջազգային անվտանգության ոլորտում առկա իրավիճակի, ինչպես նաև հիմնական միջազգային և տարածաշրջանային խնդիրների հետ»։
Բացի այդ, նրա խոսքով, կողմերը կպատրաստվեն ԲՐԻԿՍ երկրների առաջնորդների 16-րդ հանդիպմանը։
Հավելենք, որ ԲՐԻԿՍ գագաթնաժողովում Հայաստանը կներկայացնի վարչապետ Նիկոլ Փաշինյանը։
Sputnik.