Վրացական ընդդիմությունը փակել է մայրաքաղաքի կենտրոնի երթեւեկությունը

Թբիլիսիի պետական համալսարանի առաջին մասնաճյուղի մոտ հավաքված ցուցարարները երթով հասել են Հերոսների հրապարակ, տեղեկացրել է «Грузия Online» պորտալը։

Ինչպես հայտարարում են ընդդիմադիր կուսակցությունների ղեկավարները, նրանք երթեւեկությունը կփակեն մինչեւ ժամը 22.00-ն։

Հանրահավաքի մասնակիցները «բողոքում են կեղծված ընտրությունների» դեմ, ինչպես նաեւ համերաշխություն են հայտնել ուսանողների հետ, որոնց մի մասն արդեն չորրորդ օրն է՝ գիշերը մնում է ԹՊՀ լսարաններից մեկում։ Նրանք պահանջում են համալսարանի ռեկտոր Ջաբա Սամուշիայի հրաժարականը։

Ինչպես հայտնել է «Միասնություն – Միասնական շարժման» ղեկավարներից Գեորգի Վաշաձեն, նրանք վրաններ կմատակարարեն երկու տեղերում, Հերոսների հրապարակի էստակադայի տակ, եւ կմնան մինչեւ ժամը 22.00-ն։