Բրիտանացիների դժգոհությունը «Սթարմերի» կառավարությունից
Սահաբ - Վերջին օրերին Բրիտանիայում անցկացված բազմաթիվ սոցհարցումների արդյունքները ցույց են տալիս, որ ընտրություններից հետո, Լեյբորիստական կուսակցության (իշխող կուսակցության) ժողովրդականությունը զգալիորեն նվազել է , և մեծ դժգոհություն կա «Կիր Սթարմերի» ներկայիս նորակազմ կառավարության նկատմամբ:
Չորեքշաբթի օրը Sahab ցանցը հղում անելով Tasnim լրատվական գործակալությանը, հաղորդել է,որ խորհրդարանական ընտրություններում Լեյբորիստական կուսակցությունից՝ վարչապետ Կիր Սթարմերի հաղթանակից ընդամենը չորս ամիս անց միլիոնավոր բրիտանացիներ Սթարմերի նորակազմ կառավարությանը հեռացնելու և նոր ընտրություններ անցկացնելու պահանջ են ներկայացրել։
Հեղինակավոր «YouGov» ինստիտուտի հետազոտության արդյունքները ցույց են տալիս, որ 10 բրիտանացիներից չորսը կարծում է, որ իրավիճակն այդ երկրում վատացել է Բրիտանիայում անցկացված պառլամենտական ընտրություններից առաջ տիրող իրավիճակի համեմատ, իսկ անցկացված ընտրություններին Լեյբորիստական կուսակցության օգտին քվեարկածների կեսը ևս ասում են, որ իրենց սպասելիքները չեն արդարացվել, և նրանք հիասթափված են:
Իսկ բրիտանական Ipsos հետազոտական ինստիտուտի տվյալները ցույց են տալիս, որ բրիտանացիների կեսից ավելին (52%) գոհ չէ Սթարմերի աշխատանքից։ Սա դժգոհության ամենացածր մակարդակն է 2020 թվականից ի վեր, երբ Սթարմերը ստանձնեց Բրիտանիայի Լեյբորիստական կուսակցության ղեկը։
Բրիտանիայի վարչապետ Սթարմերը դեմ է արտահայտվել այդ պահանջին։
Չորս ամիս առաջ անցկացված ընտրություններում հավաքելով Համայնքների պալատի ձայների մեծամասնությունը, Բրիտանիայի Լեյբորիստական կուսակցությանը հաջողվեց ստանձնել կառավարության ղեկը։ Սթարմերն ընտրություններում պատմական արդյունք գրանցելով ծանր պարտություն պարտադրեց Ռիշի Սունակի Պահպանողական կուսակցությանը՝ վերջ տալով այդ կուսակցության 14-ամյա իշխանությանը Բրիտանիայում:
