Չինաստանը ԱՄՆ-ին. Դուք չեք կարող մեզ վախեցնել մաքսատուրքերով

ԱՄՆ-ում Չինաստանի դեսպանն ասել է. «Վաշինգտոնը չի կարող վախեցնել Պեկինին երկկողմ առևտրի վերաբերյալ իր որոշումներով»։

Առևտրային պատերազմը, որը սկսել է ԱՄՆ նախագահ Դոնալդ Թրամփը՝ մեծ թվով երկրների դեմ բարձր առևտրային մաքսատուրքեր սահմանելով, պատճառ է դարձել, որ առևտրի հսկայական ծավալը դադարեցվի աշխարհի երկու խոշորագույն տնտեսությունների միջև։ Պատերազմ, որի ընթացքում 100%-ից ավելի մաքսատուրքեր հայտարարվեցին ինչպես Չինաստանի, այնպես էլ Միացյալ Նահանգների կողմից՝ սահմանափակելով առևտրի, ներդրումների և մշակութային սահմանափակումները:

Ըստ Pars Today-ի, ԱՄՆ-ում Չինաստանի դեսպան Սի Ֆենը շաբաթ երեկոյան հայտարարել է. «ԱՄՆ-ը չի կարող վախեցնել Չինաստանին երկկողմ առևտրի վերաբերյալ իր որոշումներով, և եթե Վաշինգտոնը ցանկանում է բանակցել այդ հարցերի շուրջ, պետք է հավասար երկխոսություն հաստատի Պեկինի հետ»:

Նա հավելել է. «Մաքսատուրքերի բարձրացումն ու գնաճը ոչ մեկին ձեռնտու չէ»։ Այս իրավիճակը ապակայունացնում է բիզնեսի գործունեությունը, հանգեցնում է ծախսերի ավելացման, հարվածում է ֆինանսական շուկաներին և դանդաղեցնում համաշխարհային տնտեսական աճը»:

ԱՄՆ-ում Չինաստանի դեսպանը նշել է. «Մաքսատուրքերի պատերազմը չի սկսել Չինաստանը։ Մենք չենք ուզում կռվել, բայց չենք վախենա նաև ամերիկյան գործողություններից։ Մենք պաշտպանում ենք ոչ միայն մեր օրինական իրավունքներն ու շահերը, այլև միջազգային առևտրային կարգը։ Եթե Միացյալ Նահանգները ցանկանում է բանակցել, դա պետք է անի հավասարության, փոխադարձ հարգանքի ոգով»։