Արևմուտքի բարոյական հեղինակության ճգնաժամը պաղեստինյան հարցի առջև

Pars Today – «Արևմտյան առաջնորդների հակասական դիրքորոշումները Գազայում սիոնիստական ​​ռեժիմի հանցագործությունների նկատմամբ բացահայտեցին Արևմուտքի բարոյական հեղինակության ճգնաժամը մարդու իրավունքների պաշտպանության գործում»։

Ֆրանսիայի նախագահ Էմանուել Մակրոնը, չնայած անկախ պաղեստինյան պետության ստեղծման անհրաժեշտության ընդունմանը, պնդեց, որ Գազայում տեղի ունեցողը «ցեղասպանություն» չէ։ Նա ասաց, որ միայն դատավորները կամ պատմաբանները կարող են իրադարձությունը ցեղասպանություն անվանել։ Մակրոնն ընդգծեց, որ Փարիզը կճանաչի Պաղեստին պետությունը։

Միևնույն ժամանակ, Բրիտանիայի վարչապետ Քեյր Սթարմերը և Կանադայի վարչապետ Մարկ Քարնին նույնպես հայտարարեցին, որ կճանաչեն Պաղեստին պետությունը։ Սակայն, վերլուծաբանները նշում են, որ այս որոշումները հիմնականում քարոզչություն են և չեն խանգարի Արևմուտքի լայնածավալ աջակցությանը Թել Ավիվի նկատմամբ։

Մասնագետները կարծում են, որ արևմտյան դիրքորոշումների երկվությունը արմատավորված է սիոնիստական ​​ռեժիմի հետ նրանց քաղաքական, ռազմական և տնտեսական սերտ հարաբերություններում։ Չնայած Եվրոպայի և Միացյալ Նահանգների հասարակական կարծիքը Գազայում տեղի ունեցած կոտորածներից հետո, խիստ պաղեստինամետ է, սակայն կառավարությունները բավարարվում են միայն խորհրդանշական դիրքորոշումներով՝ ճնշումից խուսափելու համար։

Միացյալ Նահանգները և նրա դաշնակիցները բազմիցս խոչընդոտել են հրադադարի մասին բանաձևերի ընդունումը Անվտանգության խորհրդում՝ միաժամանակ Թել Ավիվի հետ նոր զենքի պայմանագրեր կնքելով։ Առերես նրանք մտահոգություն են հայտնում, բայց գործնականում ռեժիմին ավելի շատ ֆինանսական և ռազմական օգնություն են հատկացնում։

Վերլուծաբաններն ընդգծում են, որ այս մոտեցումը վնասել է Արևմուտքի բարոյական հեղինակությունը և զայրացրել համաշխարհային հասարակական կարծիքին։