Նեթանյահուն՝ Պուտինին. Իսրայելն Իրանի հետ առճակատման նպատակ չունի
Անդրադառնալով Իսրայելի վարչապետի հետ իր վերջին շփմանը, ՌԴ նախագահն ասել է, որ Իսրայելը ցանկանում է լուծել Իրանի հետ խնդիրները և առճակատման նպատակ չունի։
Հղում անելով Sputnik գործակալությանը, Iran Press գործակալությունը հայտնում է, որ ՌԴ նախագահ Վլադիմիր Պուտինը հինգշաբթի օրը Տաջիկստանի մայրաքաղաք Դուշանբեում կազմակերպված «Կենտրոնական Ասիա-Ռուսաստան» երկրորդ գագաթնաժողովում, անդրադառնալով Իսրայելի վարչապետ Բենիամին Նեթանյահուի հետ իր վերջին շփմանը, ասել է. «Մենք ստացել ենք հաղորդագրություններ, որոնցում մեզ խնդրում են մեր իրանցի ընկերներին փոխանցել, որ Իսրայելը հանձնառու է խնդիրների լուծմանը և հետաքրքրված չէ որևէ առճակատմամբ»։
Նեթանյահուի այս պնդումը հնչում է այն ժամանակ, երբ Իրանը 12-օրյա պատերազմից առաջ անուղղակիորեն բանակցություններ էր վարում Միացյալ Նահանգների հետ, և ռեժիմը հարձակվեց Իրանի վրա Վաշինգտոնի աջակցությամբ։
Ռուսաստանի նախագահն անդրադարձել է նաև ՄԱԳԱՏԷ-ի գլխավոր տնօրեն Ռաֆայել Գրոսիի հետ Մոսկվայում կայացած հանդիպմանը և ասել. «Գրոսին նշեց, որ իրանական կողմը ցանկանում է լուծել բոլոր հարցերը»։
Վկայակոչելով Գրոսսիին, Պուտինը նշել է. «Դեռ կան տեխնիկական հարցեր և ձեռք բերված պայմանավորվածությունները կյանքի կոչվելուց հետո, դրանք կօգնեն վերջնական համաձայնության գալ այս շատ բարդ տարածաշրջանային հարցի շուրջ։ Իրանի միջուկային ծրագրի շուրջ ստեղծված իրավիճակը կարող է լուծվել միայն դիվանագիտության և բանակցությունների միջոցով. ողջամիտ այլընտրանք չկա»։
ՌԴ նախագահն ասել է․ «Մենք սերտ կապի մեջ ենք մեր իրանցի գործընկերների հետ և զգում ենք նրանց հանձնառությունը փոխադարձաբար ընդունելի լուծումներ գտնելու և Գործակալության հետ կառուցողական համագործակցությունը վերսկսելու հարցում»։