Համաշխարհային պահուստներում դոլարի մասնաբաժինը 2025 թվականին նվազել է մինչև 41%
Համաշխարհային պահուստներում դոլարի մասնաբաժինը 2000 թվականի 60%-ից 2025 թվականին նվազել է մինչև 41%, ինչը հանգեցրել է ոսկու և բիթքոինի ռեկորդային ներհոսքի՝ հունիսին համապատասխանաբար 5 և 4,7 միլիարդ դոլարի չափով:
Ինչպես գրում է «Profinance» պարբերականը՝ այսպիսին են գերմանական խոշորագույն Deutsche Bank-ի վերլուծաբանների հաշվարկները։
Նրանք կարծում են, որ 2030 թ. դրությամբ կենտրոնական բանկերում պահուստներում բիթքոինը և ոսկին կփոխարինեն դոլարին։
2008-ի ճգնաժամից հետո ոսկու պահանջարկն աճել է, և այժմ աշխարհի կենտրոնական բանկերը պահում են ավելի քան 36,000 տոննա ոսկի, որի ներկայիս գինը կտրուկ բարձրացել է՝ գերազանցելով ունցիայի դիմաց 4000 դոլարի նշագիծը։ Բանկի վերլուծաբանները կարծում են, որ բիթքոինը հեռանկարային պահուստային ակտիվ է, սակայն շեշտում են, որ ո՛չ նա, ո՛չ էլ ոսկին չեն կարողանա ամբողջությամբ փոխարինել ամերիկյան դոլարին:
Իրենց հերթին, JPMorgan-ի վերլուծաբանները համաձայն չեն Deutsche Bank-ի մասնագետների կանխատեսման հետ։ Նրանք պնդում են, որ սթեյբլքոինները, ապակենտրոնացված թվային արժույթները, որոնք կապված են այլ ակտիվների հետ, կարող են դոլարի համար նոր պահանջարկ խթանել: Չնայած արտասահմանյան ներդրումների ծավալը կարևոր է, սակայն JPMorgan-ի վերլուծաբանները ենթադրում են, որ սթեյբլքոինի շուկայական աճը կարող է մինչև 2027 թվականը ավելացնել ամերիկյան արժույթի պահանջարկը 1,4 տրիլիոն դոլարի չափով: Սա կասկածի տակ է դնում Deutsche Bank-ի հայեցակարգը, ըստ որի՝ ոսկին և բիթքոինը ռազմավարական պահուստային ակտիվներ են:
