Սի Ցզինպինի մարտավարությունը ԱՄՆ-ի դեմ պատերազմում. թող Թրամփը հաղթանակ հայտարարի

Pars Today- Չինաստանը, զերծ մնալով ԱՄՆ-ից սոյա գնելուց և հազվագյուտ հողային տարրեր արտահանելուց, ազատվեց Թրամփի մաքսատուրքերից և հետաձգված արտահանման վերահսկողությունից՝ առանց դրա դիմաց շատ բան զիջելու։

«Նյու Յորք Թայմսը» ԱՄՆ-ի և Չինաստանի նախագահների Բուսանում հանդիպման մասին հաղորդման մեջ այսպես է ձևակերպել. «Թրամփին՝ հաղթանակ հայտարարել թույլ տալու արվեստը, մինչդեռ մրցակիցն է ասպարեզից հեռանում լիքը ձեռքով...»: Ըստ ParsToday-ի, «Նյու Յորք Թայմսը» գրում է, որ Սի Ցզինպինի և Դոնալդ Թրամփի միջև Հարավային Կորեայում վերջերս կայացած հանդիպումը հստակ ցույց տվեց, որ Պեկինը այժմ թարմ ինքավստահությամբ է հանդես գալիս Վաշինգտոնի դեմ: Հենվելով կենսական ռեսուրսների նկատմամբ իր երկրի մենաշնորհի և համաշխարհային շուկայում իր հսկայական գնողունակության վրա՝ Չինաստանի նախագահը կարողացավ կարևոր զիջումներ կորզել Միացյալ Նահանգներից. Զիջումներ՝ սկսած մաքսատուրքերի նվազեցումից մինչև չինական ընկերություններին ամերիկյան տեխնոլոգիաների մատակարարման սահմանափակումների կասեցում: Պայմանավորվածության համաձայն՝ Վաշինգտոնը կնվազեցնի չինական ապրանքների մաքսատուրքերը 57 տոկոսից մինչև մոտ 47 տոկոս, կդադարեցնի չինական նավերի համար նավահանգստային վճարները և կհետաձգի չինական տեխնոլոգիական ընկերությունների վրա արտահանման նոր վերահսկողությունը: Փոխարենը, Պեկինը համաձայնվեց մեկ տարով կասեցնել հազվագյուտ մետաղների արտահանման վրա վերջերս կիրառված սահմանափակումները, որոնք կենսականորեն կարևոր նյութեր են գրեթե բոլոր ժամանակակից տեխնոլոգիաների՝ բջջային հեռախոսներից մինչև ռազմական հրթիռների, արտադրության համար։

Չինաստանը ցույց տվեց մեծ տերության կերպարը

Այսպիսով, Չինաստանը կարողացավ ստանալ ինչպես տնտեսական զիջումներ, այնպես էլ ցուցադրել վճռական և ազդեցիկ տերության կերպար, շարունակեց «Նյու Յորք Թայմսը»։ Վաշինգտոնում շատ վերլուծաբաններ արդյունքը համարում են երկու երկրների միջև ուժերի նոր հավասարակշռության նշան։

ԱՄՆ Ազգային անվտանգության խորհրդի նախկին պաշտոնյա Ջուլիան Գյորտցը ասում է․ «Չինաստանը ցույց է տվել, որ կարող է օգտագործել իր լծակները համարձակությամբ և հմտությամբ՝ Միացյալ Նահանգներից ցանկացած զիջում կորզելու համար»։ Բուսանի գագաթնաժողովում Սի Ցզինպինը, ուսուցչի տոնով, Թրամփին ասաց, որ «առևտրային պատերազմի վերջին շրջադարձերը պետք է ուսուցողական լինեն երկու կողմերի համար»։