Չինաստանը դեմ է Իրանի առևտրային գործընկերների դեմ Թրամփի մաքսատուրքային սպառնալիքին
Չինաստանի կառավարությունը հստակ դեմ է արտահայտվել Դոնալդ Թրամփի կողմից Իրանի հետ գործարք կնքող երկրների դեմ մաքսատուրքային սպառնալիքին՝ այն անվանելով միջազգային հարաբերությունների և ազատ առևտրի սկզբունքների խախտում: Պեկինը շեշտել է, որ տնտեսական ճնշման և մաքսատուրքային սպառնալիքների կիրառումը ոչ միայն չի նպաստում վեճերի լուծմանը, այլև կարող է սրել համաշխարհային լարվածությունը:
Այս քայլը տեղի է ունեցել այն բանից հետո, երբ Թրամփը հայտարարեց, որ Իրանի հետ գործարք կնքող ցանկացած երկիր կենթարկվի 25 տոկոսանոց մաքսատուրքի Միացյալ Նահանգների հետ առևտրում: Չինացի պաշտոնյաներն ու փորձագետները զգուշացրել են, որ նման քաղաքականությունը կարող է հիմք հանդիսանալ առևտրային պատերազմի նոր փուլի համար, մասնավորապես Վաշինգտոնի և Պեկինի միջև, և խթանել անկայունությունը համաշխարհային առևտրային համակարգում:
Ըստ Pars Today-ի՝ Չինաստանն այս սպառնալիքը համարել է կամայականության և տնտեսական հարկադրանքի օրինակ և ընդգծել է, որ երկրների ինքնիշխանությունն ու միջազգային կանոնները պետք է հարգվեն, իսկ օրինական առևտրային հարաբերությունները չպետք է լինեն քաղաքական ճնշման թիրախ։