Ճգնաժամ Մինեսոտայում | Անդրադարձ վերջին հաղորդումներին. Քիմիական նյութեր են ցողվել ցուցարարների դեմքերին
Մինեսոտա նահանգի Մինեապոլիս քաղաքում ԱՄՆ ներգաղթի և մաքսային ծառայության (ICE) աշխատակիցների կողմից 37-ամյա ամերիկուհի կնոջ սպանությունից հետո այս շրջանում լայնածավալ բողոքի ցույցերի և անվտանգության լարվածության ալիք է բարձրացել։
Երեք երեխաների մայր և հայտնի բանաստեղծուհի Ռենե Նիկոլ Մաքլին Գուդը հունվարի 7-ին բնակելի թաղամասում դաշնային սպաների կողմից իրականացված գործողության ժամանակ գլխից կրակոց է ստացել ու զոհվել միջադեպ, որը կրկին ուժեղացրել է դաշնային ուժերի բռնության և ԱՄՆ կառավարության ներգաղթային քաղաքականության քննադատությունը։
Բողոքի ցույցերի տարածմանը զուգընթաց հաղորդումնները ցույց են տալիս, որ ԱՄՆ բանակի 4-րդ հետևակային դիվիզիան բերվել է բարձր պատրաստվածության, իսկ ԱՄՆ ռազմական նախարարությունը հայտարարել է Մինեապոլիս մոտ 1500 զինվորական ուղարկելու ծրագրի մասին։ Այս զարգացումները տեղի են ունենում այն ժամանակ, երբ Մինեսոտայի դեմոկրատ նահանգապետ Թիմ Վալցը նահանգի Ազգային գվարդիան բերել է լիակատար պատրաստ վիճակի և դեմ է արտահայտվել ներգաղթային աշխատակիցների կողմից իրականացվող զանգվածային գործողությանը։ Ի հակադրություն, ԱՄՆ նախագահ Դոնալդ Թրամփը բարձրացրել է նահանգային դիմադրության դեմ պայքարելու համար զինվորական ուժերի կիրառման հնարավորության մասին՝ հղում անելով 1807 թվականի «Ապստամբության մասին» օրենքին։
CNN-ը հաղորդել է դաշնային աշխատակիցների և ցուցարարների միջև բախումների սրման մասին՝ նշելով, որ ներգաղթի և մաքսային ծառայության աշխատակիցները բողոքի ցույցերի ժամանակ օգտագործել են արցունքաբեր գազ և քիմիական նյութեր՝ ամբոխը ցրելու համար։ Ականատեսների խոսքով՝ ձերբակալվել է առնվազն երկու դեռահաս, իսկ մեկ դեպքում ոստիկանները գետնին են գցել մի կին հեծանվորդի։
Բողոքի ցույցերի ընթացքում Մինեապոլիսի բնակիչները պահանջել են, որ դաշնային ուժերը լքեն քաղաքը։ Մինեապոլիսի քաղաքապետ Ջեյքոբ Ֆրեյը ներգաղթյալներին դիմակայելու համար զինվորական ուժերի տեղակայումը որակել է որպես հակասահմանադրական և «ռազմական օկուպացիայի» մի ձև և խստորեն քննադատել է դաշնային աշխատակիցների ներկայության աճը։
