Պակիստանը դեմ է սիոնիստական ռեժիմի հետ հարաբերությունների կարգավորմանը
Pars Today - Պակիստանի պաշտպանության նախարարը հայտարարել է, որ Իսրայելի ռեժիմի հետ հարաբերությունների կարգավորման համաձայնագրին միանալը հակասում է Պակիստանի քաղաքական և սոցիալական համոզմունքներին ու գաղափարներին։
Հղում անելով ԻՌՆԱ-ին՝ Pars Today-ը հայտնում է, որ Պակիստանի պաշտպանության նախարար Խաջե Մուհամմադ Ասիֆը հայտարարել է. «Մենք չպետք է միանանք որևէ համաձայնագրի, որը հակասում է Պակիստանի հիմնարար գաղափարախոսություններին»։
Նա հավելել է. «Ինչպե՞ս կարող ենք նստել այն մարդկանց հետ, որոնց խոստումներին նույնիսկ մեկ օր վստահել չի կարելի, սա մեզ համար անընդունելի է»։
Նա հավելել է. «Պակիստանցիների անձնագրերում չկա Իսրայելի անունը, և մենք այդպիսի մոտեցում ունենք»։
Միևնույն ժամանակ, տեղեկացված պակիստանյան աղբյուրը հայտնել է, որ Իսլամաբադը հստակ դեմ է սիոնիստական ռեժիմի հետ հարաբերությունների կարգավորման գործընթացին միանալու ԱՄՆ նախագահի խնդրանքին՝ հավելելով, որ Իսլամաբադը Վաշինգտոնի քայլը համարում է «Իրանի հետ հրադադարի» դիվանագիտությունը չարաշահելու փորձ՝ խնդրին չառնչվող գործերի վրա ճնշում գործադրելու համար։