Թուրքիան և Ադրբեջանը փնտրում են նոր տարածաշրջանային էլեկտրաներգիայի միջանցք
Թուրքիայի էներգետիկայի նախարարը հայտարարել է Անկարայի և Բաքվի միջև էներգետիկ համագործակցության ընդլայնման մասին՝ նավթի և գազի ոլորտից դուրս, հայտարարելով, որ երկու երկրները զարգացնում են էլեկտրաներգիայի և կանաչ էներգիայի փոխանցման միջանցքներ: Ալփ Արսլան Բայրաքթարի խոսքով՝ այս ծրագիրն իրականացվում է տարածաշրջանային երկրների մասնակցությամբ՝ էներգետիկ կապը ամրապնդելու և էլեկտրաէներգիայի փոխանակումը մեծացնելու համար:
Pars Today-ի փոխանցմամբ՝ Բայրաքթարը Բաքվի էներգետիկ շաբաթվա բացման արարողության ժամանակ հայտարարել է, որ Թուրքիան, Ադրբեջանը, Վրաստանը, Բուլղարիան և Հարավարևելյան Եվրոպայի որոշ երկրներ համատեղ աշխատում են տարածաշրջանային էներգետիկ ենթակառուցվածքների զարգացման ուղղությամբ: Անդրադառնալով Տրանսանատոլիական բնական գազի խողովակաշարին (TANAP), նա ասել է. «Մենք նաև մտադիր ենք ստեղծել TANAP-ի էլեկտրական տարբերակը»:
Թուրք պաշտոնյան ընդգծել է, որ Անկարան առաջիկա տասնամյակում մոտ 30 միլիարդ դոլար կներդնի էլեկտրաէներգիայի փոխանցման և բաշխման ցանցի զարգացման մեջ: Այս ծրագրի նպատակն է մեծացնել վերականգնվող և միջուկային էներգիայի ստացման հզորությունները, ինչպես նաև ամրապնդել էլեկտրաէներգիայի կապերը հարևան երկրների, այդ թվում՝ Ադրբեջանի, Վրաստանի և Բուլղարիայի հետ՝ տարածաշրջանային մակարդակով էներգիայի առևտրի և փոխանցման հնարավորությունները հետագայում ընդլայնելու համար: