Wall Street Journal. «Խեյբարշեքան» հրթիռը մոլորցրել է ԱՄՆ պաշտպանության համակարգը

Wall Street Journal-ը իր զեկույցում ուսումնասիրել է Իրանի հրթիռային հնարավորությունները և գրել, որ «Խեյբարշեքան» բալիստիկ հրթիռը դարձել է Իրանի Իսլամական Հանրապետության հրթիռային հզորության հիմնական հենասյուներից մեկը:

Զեկույցում հավելվում է, որ Իրանը ձգտում է բարձրացնել իր հրթիռային հնարավորությունների արդյունավետությունը և շրջանցել Միացյալ Նահանգների ու նրա դաշնակիցների պաշտպանական համակարգերը՝ օգտագործելով նոր գործառնական մարտավարություն, բազմազան թռիչքային ուղիներ և հիբրիդային հարձակումներ:
Հղում անելով Wall Street Journal-ի զեկույցին, Pars Today-ը հաղորդել է, որ  հրթիռային գործողությունների մշակման նոր մեթոդների կիրառումը նոր մարտահրավերներ է ստեղծել ԱՄՆ ՀՕՊ համակարգերի համար: Ամերիկյան թերթը նաև գնահատել է, որ Խեյբարշեքան հրթիռն այժմ առանցքային դիրք է զբաղեցնում Իրանի հրթիռային զսպողական  ռազմավարության մեջ և կարևոր դեր է խաղում այս երկրի գործառնական հնարավորությունների բարելավման գործում: