«Pew»-ի նոր հարցումը․ ամերիկացիների բացասական վերաբերմունքը Իսրայելի նկատմամբ աճել է

«Pew» հետազոտական կենտրոնի վերջին հարցման արդյունքները ցույց են տալիս, որ վերջին տարիներին ամերիկացիների բացասական վերաբերմունքը Իսրայելի նկատմամբ զգալիորեն աճել է։

Հետազոտության համաձայն՝ Իսրայելի նկատմամբ համակրանքի նվազմանը զուգահեռ, ամերիկացիների վերաբերմունքը պաղեստինցիների, Պաղեստինի ինքնավար վարչակազմի և «ՀԱՄԱՍ»-ի նկատմամբ էական փոփոխություն չի կրել։
Pars Today-ի հաղորդմամբ՝ հղում անելով «Անադոլու» լրատվական գործակալությանը, 2026 թվականին ամերիկացիների 42 տոկոսը բացասական վերաբերմունք է հայտնել Սիոնիստական ռեժիմի նկատմամբ, մինչդեռ 2019 թվականին այդ ցուցանիշը կազմում էր 28 տոկոս։ Իսրայելի նկատմամբ դրական վերաբերմունքը 2019 թվականի 41 տոկոսից 2026 թվականին նվազել է մինչև 32 տոկոս։
Հարցումը նաև ցույց է տալիս, որ Սիոնիստական ռեժիմի նկատմամբ աջակցության մակարդակը նվազում է նաև երիտասարդ սերնդի, այդ թվում՝ երիտասարդ հանրապետականների շրջանում, իսկ այս հարցի շուրջ ամերիկյան հասարակությունում տեսակետների միջև առկա տարաձայնությունները շարունակում են խորանալ։