«Էյրբաս»-ին տրված արտոնությունը Համատեղ ծրագրով ԱՄՆ-ի ստանձնած պարտավորություններից է
ԱՄՆ-ի պետքարտուղարության խոսնակն ասել է. «Իրանին ինքնաթիռներ վաճառելու համար «Էյրբաս» ընկերությանը տրված արտոնությունը Համատեղ ակտի համաձայն ԱՄՆ-ի ստանձնած պարտավորություններից է»:
ԻԻՀ Ռադիո-հեռուստատեսության լրատվական գործակալությունը, հղում կատարելով «Ռոյտերզ»-ին հաղորդել է, որ երեքշաբթի օրը կայացած մամուլի ասուլիսում Ջոն Քիրբին ասել է. «Նոր արտոնությունը «Էյրբաս» ընկերությանը թույլատրում է քաղաքացիական ինքնաթիռներ վաճառել Իրանին»:
«Այս հարցը որևէ առնչություն չունի ԱՄՆ-ի նախագահական ընտրությունների հետ»,-հայտարարել է ԱՄՆ-ի պետքարտուղարության խոսնակը:
Երեքշաբթի օրը տարածված լուրի համաձայն, ԱՄՆ-ի գանձապահության նախարարությունը ֆրանսիական «Էյրբաս» ընկերությանը թույլատրել է 106 քաղաքացիական ինքնաթիռներ վաճառել Իրանին:
ԻԻՀ Ռադիո-հեռուստատեսության լրատվական գործակալության հաղորդման համաձայն, երեքշաբթի օրը Բարաք Օբամային հղած նամակում, ԱՄՆ-ի Ներկայացուցիչների պալատի հանրապետական նախագահ Փոլ Ռայանը վերջինիս կոչ էր արել չդիմել այնպիսի քայլի, որը կարող է սահմանափակել Իրանի նկատմամբ կիրառվող քաղաքականություններում հաջորդ նախագահի լիազորությունները:
