Մոգերինի. Թրամփը չի կարող զիջումներ պարտադրել Իրանին
ԵՄ արտաքին քաղաքականության պատասխանատուն նշել է, որ Համատեղ ակտի ծրագիրը միջազգային համաձայնություն է: Նա ընդգծել է, որ այդ համաձայնագրի հետ կապված Իրանին նոր զիջումներ պարտադրելու ԱՄՆ-ի նորընտիր նախագահի ակնկալիքը գործնականում անհնարին է:
ԻՌՆԱ-ի չորեքշաբթի օրը կատարած հաղորդման համաձայն, Ֆեդերիկա Մուգերինին «Ուոլսթրիթ Ժուռնալ»-ին տված հարցազրույցում հավելել է. «Համատեղ ակտի ծրագիրը ՄԱԿ-ի շրջանակներում իրականացված միջազգային համաձայնություն է և չի կարող քննարկման առարկա դառնալ»:
«Միջուկային համաձայնության հանդեպ հավատարմությունն ու դա լիարժեք գործադրելը բխում է ԱՄՆ-ի շահերից ու թվում է, որ Թրամփն իր քաղաքական ուղեգիծը մշակելու է ԱՄՆ-ի շահերից ելնելով»,-հայտարարել է Մուգերինին:
ԵՄ արտաքին քաղաքականության պատասխանատուն ԱՄՆ-ի կողմից այդ համաձայնագրի ոտնահարման հետևանքներից մեկը համարել է Ռուսաստանի նախագահ Վլադիմիր Պուտինի հետ առճկատումը, ով այս համաձայնագրի երաշխավորման ուղղությամբ մեծ ջանք է գործադրել և նշել է, որ դա հակասում է Թրամփի այն հայտարարությանը, թե Ռուսաստանի հետ առավել ջերմ հարաբերությունների է ձգտում:
