ԱՄՆ-ը զինամթերք է ուղարկելու Գերմանիա
Ամերիկյան զենքերը Գերմանիայի Bremerhaven նավահանգիստ են ուղարկվել ՝ Եվրոպայի արևելք փոխադրվելու համար:
Իրանի ռադիո-հեռուստատեսության լուրերի ծառայության հաղորդման համաձայն, զինամթերքն ու ռազմական ծանր տեխնիկան կտեղափոխվի Լեհաստան:
Ակնկալվում է, որ Լեհաստանում, բալթյան երկրներում, Բուլղարիայում և Ռումինիայում տեղակայվելու են 4000 ամերիկացի զինծառայողներ:
2017 թվականի հունվարի վերջերին լեհ և ամերիկացի զինծառայողները Լեհաստանում համատեղ զորավարժություն են անցկացնելու:
ՆԱՏՕ-ն Ռուսաստանի սահմանների մոտ իր ռազմական ներկայությունը պաշտպանական քայլ է որակում , հայտարարելով, որ այդ քայլերն իրականացվել են Ղրիմի Ռուսաստանին կցվելուց և Ուկրաինայի ճգնաժամում Մոսկվայի միջամտությունից հետո:
Ռուսաստանը սակայն իր սահմանների մոտ ՆԱՏՕ-ի ռազմական ներկայության ծավալումը ոտնձգություն է համարում: Մոսկվան հավաստել է , որ Եվրոպայի արևելքում ՆԱՏՕ-ի ռազմական ներկայությունը խախտելու է մայրցամաքի անվտանգության հավասարակշռությունը:
