Սիրիայի դեմ ԱՄՆ-ի հարձակումը ոտնահարում է միջազգային օրենքները
Բոլիվիայի պահանջով Սիրիայի դեմ ԱՄՆ-ի հրթիռային հարձակման քննարկմանը նվիրված ՄԱԿ-ի ԱԽ-ի արտահերթ նիստում, այդ երկրի ներկայացուցիչն ընդգծեց. «Հարգելով ՄԱԿ-ի կանոնադրությունը պիտի հրաժարվել անկախ երկրների դեմ ցանկացած միակողմանի քայլից»:
«Ֆրանս Պրես»-ի հաղորդման համաձայ՝ Սիրիայում ավիաբազայի դեմ ԱՄՆ-ի հարձակման քննարկմանը նվիրված ՄԱԿ-ի ԱԽ-ի անդամ 15 երկրների արտահերթ նիստն ուրբաթ օրը գումարվել է Նյու Յորքում:
ՄԱԿ-ի գլխավոր քարտուղար Անտոնիո Գութերեշն այդ նիստում Սիրիայի ճգնաժամում բախվող կողմերին կոչ է արել հեռու մնալ ցանկացած քայլից, որը կարող է առավել խորացնել Սիրիայի ժողովրդի տառապանքները:
ՄԱԿ-ում Ռուսաստանի ներկայացուցչի տեղակալը նիստում խստորեն դատապարտել և անօրինական քայլ է որակել այդ հարձակումը:
ԻՌՆԱ-ի հաղորդման համաձայն՝ ՄԱԿ-ում Ռուսաստանի ներկայացուցչի տեղակալ Սաֆրանկովը Սիրիայի դեմ ԱՄՆ-ի հրթիռային հարձակման քննարկման նպատակով Ռուսաստանի պահանջով հրավիրված ՄԱԿ-ի ԱԽ-ի արտահերթ նիստում ասել է. «Այս հարձակման հետևանքները չափազանց վտանգավոր կարող են լինել տարածաշրջանային ու միջազգային կայունության համար»:
Սաֆրանկովի ընդգծմամբ Սիրիայի դեմ հրթիռային հարձակում գործելու ուղղությամբ ԱՄՆ-ի քայլը ոտնահարել է Սիրիայի հարցով Ուաշինգտոնի ու Մոսկվայի միջև նախկին համաձայնությունը:
