ԱՄՆ-ում անցկացվող ֆուտբոլի աշխարհի առաջնությունը քաղաքականացված է. Էսմայիլ Բաղային
Իրանի ԱԳՆպաշտոնական ներկայացուցիչ Էսմայիլ Բաղային ԱՄՆ-ում անցկացվող ֆուտբոլի աշխարհի առաջնությունն անվանել է տարվա ամենաքաղաքականացված մարզական իրադարձությունը:
«Իրանի ֆուտբոլի հավաքականի և առաջնությանը մեր մասնակցության նկատմամբ վերաբերմունքը շատ քննարկումների առարկա է դարձել։ Կարծում եմ, որ սա տարվա ամենաքաղաքականացված մարզական միջոցառումներից մեկն էր, և այդ ամենաքաղաքականացված վերաբերմունքին բախվեց մեր թիմը», - ասել է նա ճեպազրույցի ժամանակ։
Նրա խոսքով՝ դժվարություններն առաջացել են հենց սկզբից՝ վիզաներ ստանալուց մինչև այն, որ իրանական թիմը ստիպված է եղել կեցության հարցը լուծել Մեքսիկայում, այնդեպքում, երբ հանդիպումներն անցկացվել են ԱՄՆ-ում:
Իրանի հավաքականի գլխավոր մարզիչ Ամիր Գալենոին հայտարարել է, որ ֆուտբոլիստներն այլ երկրների մարզիկների համեմատ ավելի վատ պայմաններում են հայտնվել: Մարզչի խոսքով՝ հավաքականին բավարար ժամանակ չի տրվել նախապատրաստվելու և հանգստանալու համար: ՌԻԱ Նովոստիի հարցին ի պատասխան իրանցի մարզիչն ասել է, որ թիմի նկատմամբ այդ վերաբերմունքն ազդում է նրա ցուցադրած արդյունքի վրա:
Իրանը ոչ-ոքի ավարտված երեք հանդիպումներով հայտնվել է G խմբի երրորդտեղում՝ չկարողանալով անցնել առաջնության հաջորդ փուլ և դուրս է մնացել մրցաշարից:
Աշխարհի առաջնությունն առաջին անգամ անցկացվում է 48 ազգային թիմերի մասնակցությամբ երեք երկրների՝ ԱՄՆ-ի, ԿանադայիևՄեքսիկայի տարածքում: Մրցաշարը կավարտվի հուլիսի 19-ին:
