Փորձագետներ․ Երևանի և Բաքվի միջև խաղաղությունը կախված է Փաշինյանի քաղաքական հաշվարկներից
Քաղաքական վերլուծաբանների կարծիքով՝ Հայաստանի և Ադրբեջանի միջև խաղաղության պայմանագրի ստորագրման և վավերացման համար 2031 թվականը՝ հաջորդ խորհրդարանական ընտրությունների տարին, որպես ժամկետ սահմանելը պայմանավորված է ոչ այնքան բանակցությունների բարդությամբ, որքան Նիկոլ Փաշինյանի քաղաքական մտահոգություններով և Հայաստանի ներքաղաքական տարաձայնություններով։
Ինչպես հաղորդում է «Թասնիմ» գործակալությունը, հայ քաղաքական վերլուծաբան Իշխան Վարդյանը Բաքվի հետ խաղաղության ինստիտուցիոնալացումը համարել է Փաշինյանի քաղաքական գոյատևման հարց՝ ընդգծելով, որ ներքաղաքական ուժերի դիմադրությունը և Ղարաբաղի հարցը փակելու՝ հայ հասարակության անպատրաստ լինելը գործընթացի հիմնական խոչընդոտներից են։
Մեկ այլ քաղաքական վերլուծաբան՝ Ռաշադ Ռեզաղուլիևը, նույնպես կարծում է, որ 2031 թվականը որպես հեռանկար սահմանելով՝ Փաշինյանը փորձում է Բաքվի հետ բարդ տարաձայնությունների կարգավորումը հետաձգել։ Նրա խոսքով՝ վերջնական համաձայնության հիմնական խոչընդոտներից են իրավական և տարածքային վեճերը, ինչպես նաև Հայաստանի Սահմանադրությունը փոփոխելու՝ Բաքվի պահանջը։
Փորձագետների գնահատմամբ՝ խաղաղության պայմանագրի ապագան կախված է նրանից, թե որքանով Երևանը կկարողանա կառավարել ներքին ընդդիմությունը և կարգավորել Բաքվի հետ առկա հիմնարար տարաձայնությունները։