ՄԱԿ-ը մտահոգություն է հայտնել Թուրքիայում ձերբակալությունների նոր ալիքի կապակցությամբ
ՄԱԿ-ի մարդու իրավունքների գերագույն կոմիսարը մտահոգություն է հայտնել Թուրքիայում ձերբակալությունների ու աքսորների և արտակարգ դրության երկարաձգման կապակցությամբ:
Երկուշաբթի օրը լրագրողների հետ հանդիպման ժամանակ ՄԱԿ-ի մարդու իրավունքների գերագույն կոմիսար Զեյդ Ռաադ Ալ-Հոսեյնը հավաստիացրել է, որ չպետք է մարդու իրավունքների ոտնահարման գնով պայքարել ահաբեկչության դեմ:
Նա նշել է, որ շատ քիչ է հավանականությունը, որ Թուրքիայում պետական պաշտոնյաների ու ոստիկանության ուժերի աշխատանքից հեռացնելը ճիշտ եղանակով և ստանդարտներին համապատասխան տեղի ունենա:
Թուրքիայում լրագրողների ձերբակալության հարցով Զեյդ Ռաադ Ալ-Հուսեյնն այդ երկրի կառավարությանը հիշեցրել է, որ լրագրությունը Թուրքիայում հանցանք չէ:
2016 թվականի հուլիսին Թուրքիայում տեղի ունեցած անհաջող հեղաշրջումից հետո այդ երկրի կառավարությունը եռամսյա արտակարգ դրություն հայտարարեց և շարունակ երկարաձգեց այդ դրությունը:
