Թուրքիայի կառավարության խոսնակը հաստատել է, որ Էրդողանը կդառնա իշխող կուսակցության ղեկավար

Թուրքիայի կառավարության խոսնակ, երկրի փոխվարչապետներից Նուման Քուրթուլմուշը հաստատել է մամուլում շրջանառվող լուրերը, ըստ որոնց նախագահ Ռեջեփ Թայիփ Էրդողանը շուտով կդառնա իշխող «Արդարություն և զարգացում» կուսակցության նախագահը` վարչապետ Բինալի Յըլդըրըմի փոխարեն:

Նշենք, որ Թուրքիայի նախորդ Սահմանադրությունը չէր թույլատրում երկրի նախագահին լինել կուսակցության նախագահ, սակայն ապրիլի 16-ին ժողովրդական հանրաքվեով ընդունված սահմանադրական բարեփոխումներով այդ խոչընդոտը վերացվել է:

Ըստ Քուրթուլմուշի՝ նախատեսվում է, որ այդ պաշտոնն Էրդողանը կստանձնի մայիսի 27-ին:

tert.am