Վաշինգտոնը շարունակում է անհիմն հայտարարություններ հնչեցնել Իրանի հասցեին
ԱՄՆ Պետդեպարտամենտը շարունակում է անհիմն հայտարարություններ հնչեցնել Իրանի իսլամական հանրապետության հասցեին, պնդելով թե Վաշինգտոնը մտահոգ է Աստանայի բանակցություններին Իրանի ներգրավվածության կապակցությամբ:
«Ալ Ալամ» հեռուստաընկերության հաղորդմամբ՝ ԱՄՆ Պետդեպարտամենտը հինգշաբթի օրը հրապարակել է հաղորդագրություն, որում հայտարարել է, թե Իրանի իսլամական հանրապետությունը ապակառուցողական դեր է խաղում Աստանայի բանակցություններում և Սիրիայում էլ նպաստում է բռնությունների տարածմանը:
ԱՄՆ Պետդեպարտամենտի այդ զավեշտական հայտարարությունն այն դեպքում է արվել ,երբ Աստանայում Սիրիայի հարցով միջազգային քառակողմ նիստում Իրանի ջանքերն հանգեցրել են այդ երկրում ապաէսկալացման գոտիների ստեղծման մասին փաստաթղթի ստորագրմանը:
Հինգշաբթի օրը Ղազախստանի մայրաքաղաք Աստանայում Սիրիայի հարցով կայացած միջազգային քառակողմ հանդիպման ավարտին ԱՄՆ Պետդեպարտամենտի հակաիրանական հայտարարություններին հակառակ, Սիրիայի հարցով ՄԱԿ-ի գլխավոր քարտուղարի հատուկ ներկայացուցիչ՝ Ստեֆան Դե Միստուրան Իրանի, ՌԴ-ի և Թուրքիայի հետևողական ջանքերի շնորհիվ կայացած նիստի ձեռքբերումները գնահատել է Սիրիայում բախումների կանխմանն ուղղված հուսալի քայլ:
