Լավրովը կարևորել է Աստանայի խորհրդաժողովը
Գերմանիայի ԱԳ նախարար Զիգմար Գաբրիելի հետ ունեցած հեռախոսազրուցյում ՌԴ ԱԳ նախարար Սերգեյ Լավրովը կարևորել է Սիրիայի ճգնաժամի կարգավորմանը նվիրված Աստանայի խորհրդաժողովի անցկացումը:
ԻՌՆԱ գործակալության փոխանցմամբ՝ Լավրովը չափազանց կարևոր է գնահատել ապաէսկալացիոն գոտիներ ստեղծելու միջոցով հրադադարի ամրապնդմանն ուղղված Աստանայի բանակցությունների 4-րդ շրջանի արդյունքները:
ՌԴ ԱԳՆ-ի հայտարարությամբ՝ նախագիծը ներկայացվում է ՄԱԿ-ի հսկողության տակ Ժնևում սիրիական-սիրիական ձևաչափով բանակցությունների հաջորդ փուլի համար ենթահող պատրաստելու և լարվածությունը նվազեցնելու նպատակով:
Ռուսաստանի ԱԳ նախարարն ուրբաթ երեկոյան Սիրիայի ճգնաժամը քննարկել է ԱՄՆ Պետքարտուղար Ռեքս Թիլերսոնի հետ ունեցած հեռախոսազրույցում:
Սերգեյ Լավրովի խոսքերով՝ Վաշինգտոնը ողջունել է ապաէսկալացիոն գոտիներ ստեղծելու գաղափարը:
Սիրիական բանակցությունների 4-րդ փուլը կայացել է Ղազախստանի մայրաքաղաք Աստանայում: Նիստի վերջում Իրանի, Ռուսաստանի, Սիրիայի և Թուրքիայի ներկայացուցիչները ստորագրել են Սիրիայում լարվածության նվազեցման գոտիներ ստեղծելու մասին փաստաթուղթը:
