Բոլիվիայի նախագահ. ԱՄՆ-ն պետք է ներողություն խնդրի լատինաամերիկյան երկրներից
Բոլիվիայի նախագահն ԱՄՆ նախագահին հորդորել էներողություն խնդրել այդ տարածաշրջանի երկրներից, որպեսզի կարողանա իրագործել իր խոստացած ժողովրդավարությունը:
«Հիսփան Թի Վի» հեռուստակայանի հաղորդման համաձայն, Բոլիվիայի նախագահ Իվո Մորալեսն ասել է. «Եթե համաձայն Սպիտակ տան վերջին հայտարարությունների` ԱՄՆ նախագահ Դոնալդ Թրամփը ցանկանում է ազատություն ու ժողովրդավարություն հաստատել տարածաշրջանի երկրներում, պիտի այս տարածաշրջանի ժողովրդից ներողություն խնդրի` Լատինական Ամերիկայում իրականացրած բոլոր հեղաշրջումների ու ռազմական հարձակումների համար»:
«Եթե ԱՄՆ-ն ցանկանում է երաշխավորել ու գործադրել ժողովրդավարությունը, որևէ բան չի կարող ավելի գեղեցիկ լինել նրանից, որ մի նախագահ Լատինական Ամերիկայում իրականացրած բոլոր հեղաշրջումների համար ներողություն խնդրի»,-հայտարարել է Մորալեսը:
Մորալեսն ասել է. «Դոնալդ Թրամփը պիտի արձակի տարածաշրջանում գտնվող այդ երկրի ռազմաբազաները և առկախի թրմաբիզնսի դեմ պայքարի գործակալությունների ու թմրաբիզնեսի դեմ պայքարի պատրվակով ստեղծված ԱՄՆ-ի ռազմաբազաների աշխատանքը»:
Այս հայտարարություններն արվել են այն բանից հետո, երբ անցած ամսվա կեսերին Դոնալդ Թրամփն արտահայտվեց տարածաշրջանի երկրներում, մասնավորապես Վենեսուելայում ու Կուբայում ազատության կապակցությամբ իր երազանքների մասին:
