Չավուշօղլու.«Գերմանիայի խորհրդարանի որոշ պատգամավորներ աջակցում են PPK-ին»
Թուրքիայի ԱԳ նախարար Մևլութ Չավուշօղլուն ասել է.«Գերմանիայի խորհրդարանի որոշ պատգամավորներ աջակցություն են ցուցաբերում Թուրքիայի Քուրդստանի բանվորական կուսակցությանը (PPK)»:
Թուրքիայում լույս տեսնող «Milliyet» թերթի ինտերնետային կայքի փոխանցմամբ՝ Մևլութ Չավուշօղլուն ուրբաթ օրը նշել է, որ Գերմանիայի խորհրդարանի պատգամավորները ջանքեր են գործադրում Քուրդստանի բանվորական կուսակցության անունը ահաբեկչական խմբերի ցուցակից հանելու ուղղությամբ:
Վերջերս Գերմանիայի խորհրդարանի պատգամավորներից մեկը Թուրքիա մեկնելու և այդ երկրում գտնվող գերմանացի զինծառայողների ավիաբազա այցելելու համար պաշտոնական Անկարայից անվտանգության երաշխիքներ է պահանջել, որին արձագանքել է Չավուշօղլուն ասելով՝ Թուրքիայի կառավարությունը գործում է իրավական նորմերի շրջանակում և հարգում է միջազգային օրենքներն ու իրավական նորմերը:
