Ղրղզստանի նախագահական ընտրություններում հաղթած Ժեենբեկովը կշարունակի Աթամբաեւի բարեփոխումները
Ղրղզստանի նախագահական ընտրություններում հաղթած Սոորոնբայ Ժեենբեկովը, որը ներկայացնում Է հանրապետության Սոցիալ¬ դեմոկրատական կուսակցությունը, մտադիր Է շարունակել այն բարեփոխումները, որոնք սկսվել են պետության գործող ղեկավար Ալմազբեկ Աթամբաեւի կողմից:
Այդ մասին, ինչպես տեղեկացնոմ Է «Արմենպրես»-ը, Ժեենբեկովը հայտարարել Է Բիշքեկում՝ մեկնաբանելով քվեարկության արդյունքները: «Ես կփորձեմ պահպանել վերջին վեց տարում ձեռքբերվածը, շարունակել սկսված բարեփոխումները եւ սկսել նորերը», ասել Է նա: Կենտրոնական ընտրական հանժնաժողովի տվյալներով՝ հոկտեմբերի 15-ին հանրապետությունում կայացած նախագահական ընտրությունների ընթացքում քվեարկությանը մասնակցել Է մոտավորապես 1,7 մլն քաղաքացի: Ժեենբեկովը կարողացել Է ստանալ ձայների շուրջ 54 տոկոսը (900 հազար ձայն): Երկրորդ տեղն զբաղեցրել Է «Հանրապետություն-Հայրենիք» խորհրդարանական խմբակցության առաջնորդ Օմուրբեկ Բաբանովը, որի օգտին քվեարկել Է ավելի քան 560 հազար ընտրող: Մնացած թեկնածուները, իսկ նրանք ընդհանուր առմամբ 11-ն Էին, զգալիորեն հետ են մնացել առաջատարներից: ԿԸՀ-ում նշել են, որ նախագահական ընտրությունների պաշտոնական արդյունքները կհայտարարվեն առաջիկա օրերին, հաղորդել Է ՏԱՍՍ-ը:
Armenpress.am