ԱՄՆ-ի կին զինվորականները բողոքի ակցիա են անցկացրել սեռական բռնությունների դեմ
Տասնյակ ամերիկացի կին բանակայիններ բողոքի ակցիա են անցկացրել սեռական բռնությունների դեմ:
Ֆրանս Պրեսի հաղորդման համաձայն, երկուշաբթի օրը, կին զինվորականները Վաշինգտոնում Պենտագոնի շենքի առջև պաստառներ կրելով և կարգախոսներ վանկարկելով, դատապարտել են բանակայինների միջև սեռական բռնությունն ու ոտնձգությունը:
Պենտագոնի պաշտոնական տվյալներով, վերջին հինգ տարիներին, ԱՄՆ-ի բանակում սեռական ոտնձգության 20 հազար դեպք է գրանցվել:
Պենտագոնի հրապարակած հաղորդման համաձայն, սեռական բռնության ենթարկվածների մեծ մասը խուսափում են այդ մասին հայտնել, հետևաբար իրական թիվը շատ ավելի բարձր է:
Պենտագոնի 2017թ. զեկույցի համաձայն, Վիրջինիա նահանգի Նորֆոլք ծովային բազայում և Հարավային Կորեայում գտնվող ԱՄՆ-ի ռազմաբազայում սեռական ոտնձգությունների ամենաշատ դեպքերն են գրանցվել:
