Բոլթոնը չի բացառել Իրանի հետ համագործակցող եվրոպական ընկերությունների դեմ պատժամիջոցների սահմանումը
Իրանի հետ միջուկային համաձայնությունից ԱՄՆ-ի դուրս գալուց հետո, Սպիտակ տան ազգային անվտանգության հարցերով խորհրդականը հայտարարել է, որ ամերիկյան իշխանությունները կարող են պատժամիջոցներ սահմանել Իրանի հետ համագործակցող եվրոպական ընկերությունների դեմ:
Կիրակի օրը, CNN -ին տված հարցազրույցում, Ջոն Բոլթոնը նշել է, որ չննայած եվրոպական երկրների պաշտոնատարները ցավ են հայտնել ՀԳՀԾ-ից ԱՄՆ-ի դուրս գալու կապակցությամբ, բայց հույսով են, որ եվրոպական ընկերությունները կաջակցեն այդ որոշմանը:
Բոլթոնը նշել է, որ ՀԳՀԾ-ից հրաժարվելու Թրամփի որոշումը Իրանի հետ առևտուր իրականացնող ընկերությունների օգտին է:
Չնայած Բոլթոնի այս հայտարարությանը, Boeing և Airbus ընկերությունները հայտարարել են, որ Իրանի դեմ պատժամիջոցների վերականգնմամբ և Իրանին ուղևորատար ինքնաթիռների վաճառքի պայմանագրի չեղարկմամբ, 40 միլիարդ դոլար տուժելու են:
Հարցազրույցում Բոլթոնը նահանջել է Իրանի քաղաքական համակարգի փոխվելը հովանավորելու իր դիրքերից , ասելով, որ նման դիրքորոշում է ունեցել նախքան Սպիտակ Տուն մուտք գործելը և ներկայումս ինքը որոշումներն առաջարկում է, իսկ Թրամփը հայտարարում է այդ որոշումների մասին:
