Մեքսիկան ԱՄՆ-ին սպառնացել է,որ հակադարձ քայլի կդիմի
ԱՄՆ-ն հինգշաբթի օրը հայտարարել էր հունիսի 1-ից Կանադայից, Մեքսիկայից և ԵՄ–ից ներկրվող պողպատի ու ալյումինի մաքսատուրքերի սահմանման մասին։ Վաշինգտոնի գործողություններին ի պատասխան Մեխիկոն հայտարարել է նմանատիպ գործողությունների դիմելու մասին։
Ինչպես հաղորդում է «Հիլ» պարբերականը, Մեքսիկայի կառավարությունը հրապարակել է մի հայտարարություն, որում նշել է.«Ի պատասխան ԱՄՆ նախագահ Դոնալդ Թրամփի որոշմանը, Մեքսիկան ևս նոր մաքսատուրքեր կսահմանի ամերիկյան ապրանքների ներմուծման համար»:
«Մեքսիկան մեկ անգամ ևս իր դիրքորոշումը հայտնեց միջազգային առևտրի խափանմանը հանգեցնող հովանավորչական քայլերի նկատմամբ»,ասված է հայտարարության մեջ:
«ԱՄՆ առևտրի նախարար Վիլբեր Ռասը հայտարարել է, որ Վաշինգտոնը որոշել է չեղարկել Մեքսիկային, ԵՄ-ին ու Կանադային ժամանակավորապես մաքսատուրքերից ազատելու մասին որոշումը». նշված է հայտարարության մեջ:
