Եվրոպան պետք Է անկախ լինի Միացյալ Նահանգներից
Ֆրանսիայի ֆինանսների նախարարը կարևորել է ԱՄՆ-ից Եվրոպայի անկախության պահպանման անհրաժեշտությունը:
Ավստրիական Die Presse թերթին տված հարցազրույցում Եվրոպա-ԱՄՆ տնտեսական համագործակցության վերաբերյալ Ֆրանսիայի ֆինանսների նախարար Բրունո Լե Մեյրն ասել է.«Եվրոպան պետք է փորձի տարբեր բնագավառներում գործի դնել իր տնտեսական կարողությունները և պահպանել իր տնտեսական անկախությունը»:
Անդրադառնալով եվրոպացիների համար մաքսատուրքերի ավելացման վերաբերյալ ԱՄՆ նախագահ Դոնալդ Թրամփի վերջին դիրքորոշմանը, Ֆրանսիայի Ֆինանսների նախարարը հավելել է.«Հաջող բանակցության անցկացումը պահանջում է մի կողմ դնել ճնշումները և ազատ մթնոլորտում երկխոսություն ունենալ»:
ԱՄՆ֊ի կառավարությունը պողպատի ներմուծման համար 25, իսկ ալյումինի ներմուծման համար 10 տոկոսանոց մաքսատուրք սահմանեց, որին կոշտ արձագանքեցին Եվրամիության, Մեքսիկայի ու Կանադայի իշխանությունները և պատասխան քայլի դիմեցին ամերիկյան մի շարք արտադրանքների ներկրման համար:
