Ռուսաստանը պահանջ է ներկայացրել Քիմիական զենքերի արգելման կազմակերպությանը՝ Սիրիայի Իդլիբի հարցով
Ռուսաստանը Քիմիական զենքերի արգելման կազմակերպությունից պահանջել է չանտեսել Իդլիբում հավանական սադրիչ գործողությունների մասին զեկույցները:
Երկուշաբթի օրը, Քիմիական զենքերի արգելման կազմակերպությունում Ռուսաստանի մշտական ներկայացուցիչ՝ Ալեքսանդր Շուլգինն ասել է.«Արևմտյան պետությունները փորձում են քաղաքականացնել Քիմիական զենքերի արգելման կազմակերպությունը»:
Անդրադառնալով Սիրիայի Իդլիբում արևմուտքցիների սադրիչ քայլերին, Շուլգինն ասել է.« Քիմիական զենքերի արգելման կազմակերպությունը, որպես միջազգային մասնագիտական կազմակերպություն հայտարարել է, որ դեմ է նման սադրիչ գործողություններին և կարևորում է բոլոր հարցերի շուրջ բանավեճը»:
Օրեր առաջ, Ռուսաստանի պաշտպանության նախարարությունը զգուշացրել է, որ ԱՄՆ-ը, Բրիտանիան և Ֆրանսիան պատրաստվում են ահաբեկիչների միջոցով Իդլիբում քիմիական հարձակում իրականացնել և այն Սիրիայի բանակին վերագրելով, գրոհել այդ երկրի վրա:
Իդլիբ նահանգն ահաբեկչական տարբեր խմբավորումների վերահսկողության տակ է գտնվում և Սիրիայի բանակը պատրաստվում է այդ նահանգի որոշ շրջանները մաքրել ԻԼԻՊ-ի, Ալ-Նուսրայի ճակատի և այլ ահաբեկչական խմբավորումների ներկայությունից:
