Նիքի Հեյլին բացահայտորեն պաշտպանել է Վենեսուելայում իշխանափոխության ձգտող ընդդիմությանը
ՄԱԿ-ում ԱՄՆ դեսպանը անսովոր քայլի դիմելով, մասնակցել է Նյու Յորքում Վենեսուելայի նախագահի դեմ կազմակերպված բողոքի ակցիային:
Նիքի Հեյլին ելույթ է ունեցել Վենեսուելայի նախագահ Նիկոլաս Մադոըրոյի դեմ ՄԱԿ-ի շենքի դիմաց կազմակերպված այս հանրահավաքում, որտեղ հստակ հայտարարել է, որ ԱՄՆ-ն ջանք է գործադրում, որպեսզի Մադոըրոն հրաժարվի իշխանությունից:
Բողոքի ակցիան կազմակերպվել է հինգշաբթի օրը՝ ՄԱԿ-ի ԳԱ նստաշրջանում Մադոըրոյի ելույթից առաջ:
Նիքի Հեյլին այն պայմաններում է նման ոչ-դիվանագիտական քայլ ձեռնարկել, երբ ԱՄՆ նախագահ Դոնալդ Թրամփը հայտարարել է, որ Վենեսուելայի հետ կապված սեղանի վրա են բոլոր, այդ թվում նաև ռազմական այլընտրանքը:
Ամերիկյան որոշ ԶԼՄ-ներ ավելի վաղ տեղեկացրել էին Վենեսուելայի դեմ ԱՄՆ-ի ռազմական հարձակման համար Վաշինգտոնի նախագծի և Մադոըրոյի ընդդիմադիր զինվորականների մասնակցությամբ այդ երկրում զինվորական հեղաշրջում իրականացնելու ԱՄՆ-ի ջանքերի մասին:
ԱՄՆ վարչակազմը մի քանի օր առաջ տեղեկացրեց Վենեսուելայի դեմ ԱՄՆ-ի նոր պատժամիջոցների մասին, որի մեջ ներառվել են նաև Մադոըրոն ու նրա կինը:
Վենեսուելայի նախագահը Վաշինգտոնի միջամտողական քայլերն ու պատժամիջոցները համարում է այդ երկրում առաջացած դժվարությունների գլխավոր պատճառը:
