Հանուն գթած և ողորմած Աստծո:Ողջույն հղելով բարության մարգարե Մոհամմադի անմար հիշատակին եւ բարեւելով Ձեզ հարգելի ռադիոլսող բարեկամներ ներկայացնում ենք «Ելք դեպի լույս» հաղորդումը, Ղուրանի մատչելի մեկնաբանությամբ:

Շոարա սուրահի 90-93-րդ այաներ

وَأُزْلِفَتِ الْجَنَّةُ لِلْمُتَّقِینَ

وَبُرِّزَتِ الْجَحِیمُ لِلْغَاوِینَ

 وَقِیلَ لَهُمْ أَیْنَ مَا کُنتُمْ تَعْبُدُونَ

مِنْ دُونِ اللَّـهِ هَلْ یَنْصُرُ‌ونَکُمْ أَوْ یَنْتَصِرُ‌ونَ

Բարեպաշտ մարդկանց առջև պիտի բացվեն արքայության դռները:

Իսկ ամբարիշտները պիտի մխրճվեն դժոխքի մեջ:

Նրանցից պիտի հարցվի. Ու՞ր են ձեր կուռքերը, որոնց պաշտում էիք:

Միթե՞ նրանք պիտի գան ձեզ օգնելու, կամ միթե՞ մեկը պիտի նրանց պաշտպանի:

Այս այաները, սկսվում են Աստծո խոսքով, որտեղ ներկայացվում են դրախտն ու դժոխքը: Այաները նշում են, որ մարդիկ բաժանվում են երկու խմբի՝ դրախտայիններ ու դժոխայիններ, կամ աստվածավախներ ու մոլորյալներ: Այն ինչ մարդուն տանում է դեպի դրախտ, առաքինոությունն է, իսկ մոլորյալները գնում են դժոխք: Երբ դժոխայինները հասկանում են, որ այն, ինչ պաշտում էին, չի կարող իրենց փրկել, հասկանում են, որ այլևս ուշ է:

Այս այաներից սովորում ենք.

1. Դրախտն ու դժոխքն այն ժամանակ են բացվում մարդու առաջ, երբ նա ոչինչ չի կարող անել:

2. Աստվածավախ հավատացյալի դիրքն այնքան  բարձր է, որ դրախտը հատուկ նրա համար է պատրաստվել:

3. Կուռքերը, կամ այն մարդիկ, որ իրենք իրենց չեն կարող պաշտպանել, ինչպե՞ս կարող են մեկի պաշտպանը լինել հանդերձյալ կյանքում:

Շոարա սուրահի 94-98-րդ այաներ

فَکُبْکِبُوا فِیهَا هُمْ وَالْغَاوُونَ

وَجُنُودُ إِبْلِیسَ أَجْمَعُونَ

قَالُوا وَهُمْ فِیهَا یَخْتَصِمُونَ

تَاللَّهِ إِن کُنَّا لَفِی ضَلَالٍ مُّبِینٍ

إِذْ نُسَوِّیکُم بِرَبِّ الْعَالَمِینَ

Նրանք և իրենց մոլորված պաշտողները դժոխք են նետվելու:

Սատանաների զորայինները այնտեղ պիտի հավաքվեն:

Նրանք այնտեղ վիճելիս պիտի ասեն:

Աստված վկա է,որ մենք աղետաբեր մոլորության մեջ էինք:

Երբ կուռքերին տիեզերքի վեհապետին հավասար դասեցինք:

Հանդերձյալ կյանքում Աստված ցույց է տալիս այն կուռքերին, որոնք մի ժամանակ պաշտամունքի առարկա էին, իսկ հանդերձյալ կյանքում ոչինչ չեն կարող անել: Նրանք դժոխքում չեն կարող իրենք իրենց պաշտպանել, ուրեմն ինչպե՞ս կարող են պաշտպանել դժոխայիններին: Դրանից բացի, կուռքերն ու կռապաշտները, սատանան ու նրա հետևորդները նույնպես դժոխք են ընկնում: Եվ այս խմբերն այնտեղ միմյանց հետ բախվում են և մեկը մյուսին մեղադրում: Դրախտում տիրում է բարեկամական, իսկ դժոխքում ՝ զղջման, ափսոսանքի ու ատելության մթնոլորտ:

Այս այաներից սովորում ենք.

1. Այն ընկերությունները, որ աշխարհիկ կյանքում ձևավորվել են մեղքի ու մոլորության վրա, հանդերձյալ կյանքում վերածվում են ատելության:

2. Մարդու խիղճը հանդերձյալ կյանքում արթնանում է ու նա զղջում է իր արարքների համար, սակայն արդեն ուշ է:

Շոարա սուրահի 99-101-րդ այաներ

وَمَا أَضَلَّنَا إِلَّا الْمُجْرِمُونَ

فَمَا لَنَا مِن شَافِعِینَ

وَلَا صَدِیقٍ حَمِیمٍ

Ապիրատները մեզ հրապուրեցին:

Այլևս ոչ ոք չի բարեխոսելու մեզ համար:

Մեր ճակատագրով հետաքրքրվող ոչ մի բարեկամ չենք ունենալու այլևս:

Այն ինչ ասում են կռապաշտներն ու անհավատներն, այն է, որ մեղավորներն իրենց մոլորեցրել են: Նրանք, ովքեր շահագործել են իրենց հարստությունը: Նրանք ասում են. Մենք հետևել ենք նրանց, կարծելով, որ նրանք ճիշտ են, սակայն այսօր հասկացել ենք, որ մոլորության մեջ ենք ընկել: Ւսկ այսօր ոչ մեկը չի բարեխոսում մեր մասին և ոչ էլ հավատացյալների մեջ ունենք բարեկամ, որ աջակցի մեզ:

Այս այաներից սովորում ենք.

1. Հանդերձյալ կյանքում ամեն մեկն իր սխալի մեջ մյուսին է մեղադրում:

2. Հանդերձյալ կյանքում չկա բարեխոս, իսկ մագարեները միայն այն հավատացյալների մասին են բարեխոսում, ովքեր արժանի են դրան:

3. Մարդը հանդերձյալ կյանքում նույնպես ունի լավ ընկերոջ կարիք: Ուրեմն պետք է ընկերանանք նրանց հետ, ովքեր աշխարհիկ և հանդերձյալ կյանքում մեր բարեկամը լինեն: