«Հավատակիցներ». Իրանում և տարածաշրջանում մուսուլմանների և քրիստոնյաների համակեցության պատմությունը
«Հավատակիցներ. պատմություններ՝ քրիստոնյա գրողների մասին, ովքեր հարգանքով են վերաբերվել իսլամի մարգարեի գերդաստանին և սիրել են Իրանը» գրքի շնորհանդեսի արարողության ընթացքում մուսուլման և քրիստոնյա մտավորականները ընդգծել են միջկրոնական երկխոսության, փոխադարձ հարգանքի և տարբեր կրոնների հետևորդների միջև մշակութային ու մարդկային ընդհանրությունների կարևորությունը։
Pars Today-ի փոխանցմամբ՝ գրքի հեղինակ Աբբաս Խամեյարը ուսումնասիրել է մի շարք քրիստոնյա գրողների, բանաստեղծների և մտածողների կյանքն ու հայացքները, որոնք հետաքրքրություն են ցուցաբերել իսլամի մարգերի ընտանիքի, իրանական մշակույթի և ընդհանուր մարդկային արժեքների նկատմամբ։
Միջոցառման ընթացքում Իրանի Գիտությունների ակադեմիայի Իսլամական ուսումնասիրությունների խմբի ղեկավար այաթոլլահ սեյեդ Մուստաֆա Մոհագեղ Դամադը նշել է, որ կրոնական պառակտումների և թյուրըմբռնումների դեմ պայքարի միակ ճանապարհը հանդուրժողականության և միջկրոնական երկխոսության ընդլայնումն է։ Նրա խոսքով՝ ժամանակակից աշխարհն առավել քան երբևէ կարիք ունի փոխճանաչման և մշակութային համագործակցության։
Նիստին ներկա քրիստոնյա գործիչները, այդ թվում՝ լիբանանցի և սիրիացի եպիսկոպոսներ ու մտավորականներ, ընդգծել են, որ մուսուլմանների և քրիստոնյաների համակեցությունը Արևմտյան Ասիայի մշակութային ժառանգության մաս է կազմում՝ շեշտելով կրոնների ընդհանուր դերը արդարության, մարդկային արժանապատվության և խաղաղության խթանման գործում։
Ելույթ ունեցողները Իրանը ներկայացրել են որպես տարբեր կրոնների հետևորդների պատմական համակեցության օրինակ և նշել, որ «Հվատակիցներ» գիրքը փորձ է վերարժևորելու մուսուլմանների և քրիստոնյաների միջև առկա մշակութային, կրոնական և մարդկային կապերը։