Բարի երեկո՝ մեզ արդեն հարազատ դարձած ունկնդիր բարեկամներ։ Շնորհավորում ենք Գարնան գալուստը, շնորհավորում ենք Նովռուզը,իրանական նոր տարին։ Բոլորիդ մաղթելով գարնանային բարձր տրամադրություն և հոգու ջերմություն։ Եթերում է «Ողջույն բարեկամ» հաղորդաշարի իրանական նոր տարվա առաջին թողարկումը։

Քնքշաբույր ծաղկանց հրեղեն խաղով
Ժպտում են նորից անտառ ու ձորակ,
Եվ հեղեղները խոսուն-սառնորակ
Ողջունում են ինձ զվարթ ծիծաղով։
Զուգել ես նորից դաշտ, անտառ ու լեռ,
Գարո՜ւն, ամեն տեղ նոր կյանք ես վառել
Իմ սրտում էլ ես թևերըդ փռել,
Իմ հոգում էլ ես հրդեհել նոր սեր։
Եվ ահա կրկին զվարթ ու ջահել,
Դուրս ելա տխուր մենության բանտից.
Պայծառ աչքերըդ ողջունում են ինձ,
Եվ ես չեմ կարող իմ ճիչը պահել։
Բացել ես իմ դեմ ոսկեղեն հեռուն,
Ծաղկել ես սարո՛ւմ, անտառո՛ւմ, արտո՛ւմ,
Ուրիշ երգեր են հնչում իմ սրտում —
Ողջո՛ւյն քեզ, արև, ողջո՛ւյն քեզ, գարուն...

                                                     Վահան  Տերյան