Pars Today

Բարի հանդիպում մեզ արդեն հարազատ դարձած ռադիոլսող բարեկամներ: Եթերում է Ողջույն բարեկամ հաղորդաշարի հերթական թողարկումը։ Երեկոն կիրակի է և ինչպես յուրաքանչյուր կիրակի այսօր ևս հայերեն ռադիոժամը հյուրըկալվում է Ձեր ջերմ օջախում։

Կեղևդ բաց արա

Բաց քո կեղևը, ծա՛ռ,

Ա՛ռ ինձ կեղևիդ մեջ...

Անցան օրեր մեկ-մեկ,

Անցան օրեր զույգ-զույգ,

Ճաշակեցինք և սեր,

Եվ տառապանք, և սուգ:

Հոգնեցրին ինձ արդեն

Օրերը լայն ու նեղ,

Հոգնեցրին ինձ արդեն

Մեղավոր ու անմեղ,

Հոգնեցրին ինձ արդեն

Տխրությունն այս ցանցառ

Եվ կարոտներն այս խեղճ,

Դե բա՛ց կեղևդ, ծա՛ռ,

Ա՛ռ ինձ կեղևիդ մեջ:

Ա՛ռ ինձ կեղևիդ մեջ.-

Այս անծաղիկ դարում

Ես կձուլվեմ քեզ հետ՝

Որպես փոքրիկ գարուն:

                     Ռազմիկ Դավոյան