Հանուն գթառատ եւ ողորմած Աստծո: Բարև Ձեզ հարգարժան ռադիոլսող բարեկամներ: Այս հաղորդման ընթացքում կանդրադառնանք Արաֆ սուրայի 11-15-րդ այաներին: Խոսափողի մոտ է Թուրաջ Խոսրավին։

Նախ  կլսենք Արաֆ սուրայի 11-12-րդ այաները.

و لقد خلقناكم ثم صورناكم ثم قلنا للملائكه اسجدوا لادم فسجدوا الا ابليس لم يكن من الساجدين / قال مامنعك الا تسجد اذ امرتك قال انا خير منه خلقتني من نار و خلقته من طين

«Մենք ստեղծեցինք ու կազմեցինք ձեզ: Հետո հրեշտակներին ասացինք. Պաշտեցեք Ադամին ու նրանք պաշտեցին: Միայն սատանան մերժեց պաշտել:Աստված ասաց նրան. Ինչո՞ւ չես հնազանդվում իմ հրամանին/: Սատանան պատասխանեց. «Իմ էությունը ավելի վեր է Ադամից: Դու ինձ կրակից ստեղծեցիր, իսկ նրան` հողից»:

Այս այաները խոսում են այն մասին, թե մարդն ինչ մեծ նշանակություն է ունեցել արարչագործության հենց առաջին օրից: Ոչ միայն երկիրը, այլ նաև երկնքի բնակիչներն ու հրեշտակները խոնարհվում են մարդու առջև, քանի որ մարդու արժանապատվությունը և վեհությունն այն աստիճան են, որ Աստված հրեշտակներին հրամայեց խոնարհվել նրա առջև: Եվ միայն սատանան, որ հրեշտակ չէր, սակայն գտնվում էր նրանց շարքերում, հրաժարվեց կատարել այս հրամանը: Սատանան ոչ միայն չզղջաց իր անհնազանդության համար, այլ ասաց. <Ես կրակից եմ , մարդը` հողից և կրակը հողից ավելի վեհ է:> Իսկ Աստծո հրամանը   մարդու նյութական կողմի համար չէր, այլ նրա վեհության, որովհետև Աստված իր շունչն էր փչել նրա մեջ: Եվ ընդհանրապես, Աստծո հրամանի նկատմամբ անհնազանդությունը ոչ մի արդարացում չունի: Թերևս սատանան այսպիսով ուզում էր ասել, որ ինքն Աստծուց վեր է և եթե Աստված նման հրաման է արձակել, սխալվել է: Պետք է ասել, որ երբեմն մարդը ցանկանում է Աստծո իմաստությունը չափել իր ուղեղի կարողություններով: Սակայն դա սխալ է, քանի որ մենք կարող ենք հասկանալ Աստծո իմաստնությունն ու զորությունը:Այս այաներից սովորում ենք.

1. Մարդն ունի այնպիսի կարողություն, որ կարող է հասնել մի աստիճանի, երբ հրեշտակները խոնարհվեն իր առջև:

2. Եթե հրեշտակներն Աստծո հրամանով խոնարհվեցին մարդու առջև, ուրեմն ինչո±ւ մարդը չխոնարհվի Աստծո առջև:

3. Ցեղը և սեռը գերազանցության նշան չեն: Կարևոր է մարդու իմաստությունը:

4. Ինչո՞ւ մարդը պետք է հետևի սատանային, որը պատրաստ չեղավ խոնարհվել մարդու առջև և հարգել նրան:

Այժմ  կլսենք Արաֆ սուրայի 13-րդ այան.

قال فاهبط منها فما يكون لك ان تتكبر فيها فاخرج انك من الصاغرين

«Աստված հրամայեց. հեռացիր այստեղից: Արքայությունը գոռոզների տեղը չէ: Փախչիր, գնա: Արհամարվածների  շարքին պիտի դասվես»:

Այս այան խոսում է սատանայի գոռոզամտության մասին և ասում. Սատանան ձեռք էր բերել որոշակի աստիճան, սակայն իր գոռոզամտության պատճառով, չկարողացավ պահպանել այն: Աստված սատանային հեռացրեց հրեշտակների շարքից : Այդ անհնազանդության արդյունքը եղավ ստորաքարշությունը: Ինչպես որ իսլամի մեծ մարգարե Մոհամմադն է ասում . Ով խոնարհվի և համեստ լինի, Աստված նրան բարձրացնելու է: Իսկ ով գոռոզամիտ լինի, Աստված նրան նսեմացնելու է և դատաստանի օրը ոտնակոխ է անելու:

Այս այայից սովորում ենք.

1. Գիտությունը միայնակ չի կարող փրկել մարդուն:  Մարդը պետք է հնազնադվի Աստծուն:

2. Գոռոզամտությունը խորտակում է մարդուն:

Այժմ  կլսենք Արաֆ սուրայի 14 և 15-րդ այաները.

قال انظرني الي يوم يبعثون / قال انك من المنظرين

«Անհնազանդ հրեշտակը այն ժամանակ պատասխանեց : Պատիժդ հետաձգիր մինչև հարության օրը:Լավ, ասաց ամենակարողը»:

Երբ սատանան վտարվեց Ատծո թագավորությունից,  Աստծուց խնդրեց իրեն ժամանակ տալ, որ կենդանի մնա մինչև դատաստանի օրը: Աստված ընդունեց և ժամանակ տվեց սատանային: Հարց է ծագում. Ինչո՞ւ Աստված նման որոշում ընդունեց: Պատճառը պարզ է: Հիմնական պատիժը և վարձատրությունը իրականանում են դաստաստանի օրը և Աստված ժամանակ է տալիս բոլոր մեղավորներին, ինչքան էլ որ մեղք գործած լինեն: Դրանից բացի, գոյություն ունի նաև աստվածային փորձություն : Մարդը միշտ կանգնում է  բարի ու չարի առջև, որպեսզի ընտրի դրանցիցի մեկն ու մեկը: Իհարկե, ստանան երբեք մարդուն չի պարտադրում մեղք գործել, այլ ընդհամենը նրան գայթակղում է:

Այս այայից սովորում ենք.

1.Աստված մեղավորներին ժամանակ է տալիս և երանի նրանց, ովքեր այս ժամանակը կօգտագործեն զղջալու համար:

2. Կարևոր չէ, թե որքան ենք ապրում: Կարևոր է թե ինչպես ենք ապրում:

3.Սատանան գիտեր դատաստանի օրվա մասին: Սակայն նա չուներ հավատք Աստծո և դատաստանի օրվա նկատմամբ:

Հարգարժան ռադիոլող բարեկամներ Դուք լսեցիք «Ելք դեպի լույս» հաղորդաշարի 228-րդ համարը։ Այս և ռադիոժամի բոլոր հաղորդումներին կարող եք հետևել նաև ինտերնետի միջոցով հետևյալ հասցեով՝

Parstoday.com/hy

Մնացեք խաղաղությամբ։