Զբոսաշրջություն` պատուհան դեպի իմաստնության աշխարհ(4)
Իսլամը մարդկանց հորդորում է խելացի ու նպատակասլաց ուղևորություն իրականացնել:
Շարժվելը, տեղափոխվելը և ճամփորդելը մարդկանց կարիքներից են: ժամանակակից աշխարհում ճանապարհորդությունը շատ տարծված է, սակայն հին ժամանակներում այդպես չի եղել: Դա պայմանավորված էր անհրաժեշտ իրերի բացակայությամբ, ինչպես օրինակ տրանսպորտային միջոցները, հյուրանոցները և զբոսաշրջային կենտրոնները: Այսօր ճանապարհորդությունը շատ երկրներում համարվում է ընտանիքների առաջնային կարիքներից:
Ժամանակակից աշխարհում մարդկանց մեծ մասը բնակվում է մեծ քաղաքներում: Բնակավայրեր, որոնց կառույցը և միջավայրը խանգարում են մարդկանց հանգստությանը: Այս վայրերում քաղաքի ճարտարապետության ձևը, ծավալը, բովանդակությունն ու գույները բացասաբար են ազդում մարդկանց վրա, դառնալով դեպրեսիայի, սթրեսների ու տարբեր նյարդային հիվանդությունների առաջացման պատճառ: Այս պայմաններում, քաղաքի բնակիչների մեծ մասը ճամփորդության ժամանակ բնությունն ընտրում են որպես հանգստանալու և հարմարավետության վայր: Այսօրվա ճանապարհորդությունների մեջ թաքնված է մի շերտ, որը կոչվում է շարժառիթ: Իսկ այն ցույց է տալիս, թե մարդն ինչ նպատակով է այցելում տվյալ վայրը: "Տուրիզմ, կրոն և հոգևոր ճամփորդություններ" գրքում, որի հեղինակն է Թիմոթի Օլսենը, ասվում է. "Այսօր ճամփորդությունների մեծ մասն իրականացվում են ինքնաբացահայտման, հոգևոր շարժառիթներով ու նոր գիտելիքներ ձեռք բերելու նպատակով":
Ինքնաբացահայտումը ճամփորդության հիմքերից է և ինչպես ասում են որոշ փորձագետներ ու ճամփորդներ, ամենատպավորիչ մասը: Ամեն մարդ ունի ճամփորդելու իր դրդապատճառը, ինչպես օրինակ սերը շրջագայելու նկատմամբ, նոր մշակույթ, կրոն, սովորույթներ բացահայտելու, առօրյայից կտրվելու ցանկությունը, ինչպես նաև նոր մարդկանց ու ազգերի հետ ծանոթոնալու ցանկությունը: Ճամփորդությունը հնարավորություն է հայտնվել նոր իրավիճակներում, ձեռք բերել նոր փորձ և ծանոթանալ նոր սովորույթների հետ: Այն ամենն ինչ տեղի է ունենում այդ իրավիճակներում, անձի մոտ առաջացնում է ներքին փոփոխություններ: Իսկ դա հնարավորոթյուն է տալիս ճանաչել սեփական ուժեղ ու թույլ կողմերը: Յուրաքանչյուր ճամփորդության արդյունքը անկասկած մարդու ավելի կատարյալ դառնալն է: Պակիստանցի գրող, մտավորական Էղբալ Լահուրին ասում է . "Մարդկային բնույթն ունի ճամփորդելու կարիք":
Նա ափի ու ալիքի միջև երկխոսության վերաբերյալ ասում է.
Ափն ասաց. Թեև շատ երկար եմ ապրել, այդպես էլ չպարզվեց, թե ես ով եմ:
Ալիքը տեղից ելավ ու ասաց. Եթե հոսում եմ, ուրեմն կամ, եթե չեմ հոսում, ուրեմն չկամ:
Ճանաչելը ճամփորդության շատ կարևոր բաղկացուցիչն է, որն իմաստավորվում է մտորումների արդյունքում: Բնությունը մարդուն տվել է տարբեր երևույթների ու նշանների մասին մտածելու, և իր կյանքն Աստծո հետ հաղորդակցության ու բնության հետ ներդաշնակության մեջ իմաստավորելու հնարավորություն":
Ղուրանի Հաջ սուրայի այաներից մեկում ասվում է .
"Նրանք երբեք չե՞ն ճամփորդել և ականջ չունե՞ն լսելու համար: Նրանց աչքերը կույր չեն: Միայն նրանց սրտերը, կրծքերում թաղված, ոչինչ չեն տեսնում":
Ականջը, աչքը, ուղեղը և սիրտը հնարավորություն են տալիս ճանաչել, ընկալել: Այս այան մարդկանց հրավիրում է ճամփորդել, որպեսզի նրանք խորհեն ու լսեն, թե ինչ է արարչագործությունը: Աստվածաբանության առումով, այն, ինչ կարևոր է, բանականությունն է, որը մարդու մեջ ձևավորվում է այն ժամանակ, երբ նա սկսում է իր շուրջը նայել ու զննել: Նրանք, ովքեր ամեն ինչ տեսնում են միայն առերևույթ և ուշադրություն չեն դարձնում երևույթների խորքային մասին, կուրացրել են իրենց սրտի տեսողությունն ու փակել դրա առաջը, թույլ չտալով, որպեսզի ընկալի ճշմարտությունը:
Մարդկանց մեջ կա փնտրելու ձգտում, ինչն օգնում է գտնել կյանքի իմաստը: Ձեռք բերված փորձերը նրա համար են, որ մարդը գտնի իր հարցերի պատասխանը: Իսկ ճամփորդը հնարավորություն է գտնում իր ձեռքբերած փորձով փոփոխության ենթարկել իր մտածելակերպը և իր ու հասարակության կյանքը: Եվ հենց այստեղ է, որ ճամփորդությունը կարևոր նշանակություն է ստանում մարդու կյանքում: Ռեժիսոր Մեհդի Քարամփուրն այդ մարդկանցից է: Լսենք նրա կարծիքը ճամփորդության մասին. "Ճամփորդությունն իմ գործն է ու կազմում է իմ կյանքի ամենամեծ բաժինը: Իմ իսկական մասնագիտությունը ճամփորդելն է, ու լավ տեսնելը: Լավ տեսնելը արվեստագետի իսկական արվեստն է, իսկ ճամփորդությունը լավ տեսնելու իսկական միջոցն է: Ես սիրում եմ Իրանի անապատները: Անապատն ունի հատուկ գաղտնիք ու ասես մշտապես քեզ կանչում է իր մոտ: Անապատը հետաքրքիր վայր է: Մի տեղ, որտեղ կարելի է մտածել: Այնտեղ, որտեղ անսահման երկնքից ու ամայի հողից բացի ոչինչ չկա: Այստեղ է որ կարելի է լսել Աստծո խոսքը: Այս զգացողությունը շատ հատուկ է և գուցե հենց այս զգացողությունը մի քանի անգամ փորձելու համար է, որ մարդիկ սիրում են ճամփորդել անապատում: Ճամփորդությունը կարող է հագեցնել մարդու ծարավը և կարիքը` խաղաղության հասնելու համար: Ճամփորդությունը չունի ավարտ: Մարդը մշտապես ձգտել է հասնել անհայտին: Տիեզերքը զարգանում է և մարդն իր էությամաբ զարգացման կողմնակից է: ճամփորդության մասին նույնիսկ մտածելը կարող է գրավիչ ու հետաքրքիր լինել":