Հանուն գթառատ եւ ողորմած Աստծո: Բարև Ձեզ հարգարժան ռադիոլսող բարեկամներ: Այս հաղորդման ընթացքում կանդրադառնանք Արաֆ սուրայի 124-127-րդ այաներին: Խոսափողի մոտ է Թուրաջ Խոսրավին։

Նախ  կլսենք Արաֆ սուրայի 124 և 125-րդ այաները.

لا قطعن ايديكم و ارجلكم من خلاف ثم لاصلبنكم اجمعين قالوا انا الي

ربنا منقلبون

 «Ձեր ոտքերն ու ձեռքերը պիտի կտրել տամ և այնուհետև ձեզ կախել տամ: Կախարդները պատասխանեցին. Մենք ամենքս պիտի վերադառնանք Աստծուն»:

Փարավոնն ասաց, որ կպատժի կախարդներին, կտրելով նրանց ձեռքերն ու ոտքերը, այնուհետև կկախի նրանց, որպեսզի ուրիշներն էլ դաս առնեն: Սակայն կախարդները, որ սրտանց էին հավատացել Մովսեսին, չվախեցան սպառնալիքներից: Նրանք հայտարարեցին. Եթե այդպես անես,  ուրեմն մենք կսպանվենք Աստծո ճանապարհին ու կվերադառնանք դեպի նա: Քանի որ դու մեզ վախեցնում ես նահատակությամբ, իսկ նահատակությունը հավատացյալի համար երջանկություն է:

Այս այաներից սովորում ենք.

1. Բռնատեր իշխանությունները չունեն տրամաբանություն: Նրանք միայն կարող են սպառնալ մարդկանց` սպանելով ու խոշտանգելով:

2. Մարդը կարող է իր հավատքով ու կամքով կանգնել անբարո վարչակարգերի դեմ:

3. Մարդը կարող է ժամանակի ընթացքում հավատքի գալ և դառնալ անդրդվելի հավատացյալ:

Այժմ  կլսենք Արաֆ սուրայի 126 -րդ այան.

و ما تنقم منا الا ان آمنا بايات ربنا لما جاء تنا ربنا افرغ علينا

صبرا و توفنا مسلمين

 «Դու զայրանում ես մեզ վրա և սպառնում  վրեժխնդիր լինել, որովհետև  հավատացինք հրաշքներին: Տեր համբերություն տուր մեզ և այնպես արա, որ որպես հավատացյալ մեռնենք»:

Այս այայում ասվում է, որ կախարդները փարավոնին ասացին. Դու գիտես, որ մենք նպատակ չունեինք խորտակել քո իշխանությունը: Եվ եթե ցանկանում ես մեզանից վրեժ լուծել սպանելով, նրա համար է, որ հավտացինք Մովսեսի Աստծուն: Այնուհետև նրանք աղոթում են առ  Աստված , որպեսզի իրենց ուժ տա դիմակայելու սադրանքներին  ու այս աշխարհից հեռանալ հավատքով:

Այս այայից սովորում ենք.

1. Միայն հավատքը  բավական չէ: Պետք է հանուն այդ հավատքի դիմակայել թշնամիներին:

2. Իրական հավատացյալն իր հավատքի համար ջանք չի խնայում և չի մոռանում աղոթքն առ Աստված:

Այժմ  կլսենք Արաֆ սուրայի 127-րդ այան.

و قال الملا من قوم فرعون اتذر موسي و قومه ليفسدوا في الارض و يذرك

و الهتك قال سنقتل ابنائهم و نستحيي نساء هم و انا فوقهم قاهرون

 «Այդ ժամանակ, թագավորի պալատականներն ասացին. արդյոք  թույլ կտաս, որ Մովսեսը, Ահարոնը և իր ցեղը հեռանան այստեղից: Փարավոնն ասաց .Բոլոր նրանք, ովքեր դեմ կանգնեն արքունիքին, կոչնաչանան: Իսկ նրանց կանայք ու աղջիկները կգերեվարվեն, որովհետև մենք ենք միակ ուժն այս երկրում»:

Մովսեսի և կախարդների դեպքից հետո, Փարավոնը վճռեց մահապատժի ենթարկել բոլոր կախարդներին, սակայն Մովսեսի վերաբերյալ  ոչ մի որոշում չկայացրեց: Փարավոնի մտերիմները ճնշում գործադրեցին նրա վրա, որպեսզի հնարավորինս շուտ որոշում կայացնի այդ մասին, որովհետև Մովսեսը    մարդկանց հրավիրում էր հավատալ Աստծուն: Եվ հնարավոր էր, որ այդպիսով նա մարդկանց մեջ տարածի անհնազանդություն: Փարավոնը մտածեց, որ Մովսեսը մեծ հեղինակություն ունի մարդկանց շրջանում և նրան սպանելը կվնասի իրեն: Նա հայտարարեց, որ Մովսեսի հետևորդները կպատժվեն դաժան կերպով:

Հարգարժան ռադիոլող բարեկամներ Դուք լսեցիք «Ելք դեպի լույս» հաղորդաշարի 252-րդ համարը։ Այս և ռադիոժամի բոլոր հաղորդումներին կարող եք հետևել նաև ինտերնետի միջոցով հետևյալ հասցեով՝

Parstoday.com/hy