Հանուն գթառատ եւ ողորմած Աստծո: Բարև Ձեզ հարգարժան ռադիոլսող բարեկամներ: Այս հաղորդման ընթացքում կանդրադառնանք Անֆալ սուրայի 10-14-րդ այաներին: Խոսափողի մոտ…….. է

Նախ  կլսենք Անֆալ սուրայի 10-րդ այան.

و ما جعله الله الا بشري و لتطمئن به قلوبكم و ماالنصر الا من عنداللهان الله عزيز حكيم

«Այս խոստումը տվեց, որպեսզի հույս  և ուրախություն ծնվի  ձեր սրտերում: Ամեն տեսակ օգնություն գալիս է Աստծո կողմից, որ հզոր է  և իմաստուն » :

Աստված այս այայում ասում է. Հրեշտակները Բադր պատերազմի ընթացքում իջան և  մարտիկների սրտերում ինքնավստահություն ներշնչեցին, ինչը նրանց հաղթանակ բերեց:

Այս այայից սովորում ենք․

1.  Աստվածային ավետիսը իսլամի մարտիկներին հոգեպես ուժեղացնում է:

2. Թշնամուն հաղթելու համար միայն զենք  և ռազմական կարողություն բավարար չեն: Պետք է ապավինել Աստծուն:

Այժմ կլսենք Անֆալ սուրայի 11-րդ այան:

اذ يغشيكم النعاس امنه منه و ينزل عليكم من السماء ماء ليطهركم به ويذهب عنكم رجزالشيطان و ليربط علي قلوبكم و يثبت به الاقدام  

«Աստված ձեզ ուղարկեց ապահովության քունը: Նա երկնքից անձրև իջեցրեց, որպեսզի մաքրվեք մեղքերից և հեռանաք սատանայի գարշանքներից, որպեսզի ձեր սրտերը կապվեն  հավատքին և դառնաք հաստատակամ»: 

Պատմությունն ասում է, որ երբ մուսուլմանների զորքը նկատեց թշնամու հզորությունը Բադր տարածքում, թուլացավ: Սակայն Աստված այս այայում ասում է. Մենք ձեր մեջ խաղաղություն հաստատելու համար այնպես արեցինք, որ դուք հանգստանայիք անապատում, հեռու մնալով վախից ու տագնապից: Հետո անձրև ուղարկեցինք, որպեսզի ձեր ծարավը հագենա և ձեր ոտքերի տակի ավազը ամրանա:

Այս այայից սովորում ենք․

1. Եթե լինի Աստծո նկատմամբ հավատք, Աստված նույնպես կօգնի հավատացյալներին:

2. Արտաքին մաքրության կողքին պետք է լինի նաև ներքին մաքրություն` սատանայական գայթակղություններից:

Այժմ կլսենք Անֆալ սուրայի 12-րդ այան․

اذ يوحي ربك الي الملائكه اني معكم فثبتوا الذين آمنوا سالقي في قلوبالذين كفروا الرعب فاضربوا فوق الاعناق واضرلوا منهم كل بنان

«Աստված ասաց իր հրեշտակներին. Քաջալերեք հավատացյալներին: Ամբարիշտների մեջ սոսկում եմ թափելու, իսկ դուք ձեր բազուկն իջեցրեք նրանց գլխների վրա: Ոտքերին ու ձեռքերին զարկեք և նրանցից ոչ մեկին մի  խնայեք» :

Այս այան ասում է, որ Աստված ուղարկեց հրեշտակներին` իսլամի մարտիկներին ոգևորելու նպատակով: Նա ասաց. Մենք  հավատացյալների սրտերում լույս ներշնչեցինք, իսկ թշնամիների սրտերում` վախ: Սակայն ես չէ, որ պետք է վերացնեմ թշնամուն:  Դա ձեր պարտականությունն է: Ուրեմն պետք է ռազմի դաշտ մտնեք և կռվեք թշնամու դեմ:

Այս այայից սովորում ենք․

1. Եթե հավատացյալ լինենք, Աստված մեր սրտերին խաղաղություն կներշնչի:

2.  Հավատացյալը ռազմի դաշտում ստանում է Աստծո օգնությունը, եթե իհարկե մարտիկը միմիայն մտածի հաղթանակի և թշնամու դեմ պայքարելու մասին, ոչ թե  փախուստի:   

Այժմ կլսենք Անֆալ սուրայի 13 և 14-րդ այաները․

ذلِکَ بِأَنَّهُمْ شَاقُّوا اللّهَ وَ رَسُولَهُ وَ مَنْ یُشاقِقِ اللّهَ وَ رَسُولَهُ فَإِنَّ اللّهَ شَدیدُ الْعِقابِ

ذلِکُمْ فَذُوقُوهُ وَ أَنَّ لِلْکافِرینَ عَذابَ النّارِ

«Այսպես թող նրանք պատժվեն Աստծուց և իր առաքյալից հեռանալու համար: Ով Աստծուց և իր առաքյալից հեռանա, փորձով պիտի զգա, թե որքան ահավոր են Աստծո պատիժները: Թող նրանք կրեն կրակի չարչարանքները, որովհետև անհավատների համար դա է պատրաստված» :

Այս այաներում ասվում է, որ թշնամիները մշտապես պայքարել են աստվածային այաների և մարգարեի դեմ և նույնիսկ պատրաստ չեն եղել նոր խոսքեր լսել: Ուստի Աստված, նրանց պատժելու համար օգնեց հավատացյալներին հաղթել : 

Այս այաներից սովորում ենք․

1. Աստծո պատիժն առանց պատճառի չի լինում :

2. Նա, ով արդարության դեմ կռվի, ոչնչանալու է :

Հարգարժան ռադիոլող բարեկամներ Դուք լսեցիք «Ելք դեպի լույս» հաղորդաշարի 274-րդ համարը։ Այս և ռադիոժամի բոլոր հաղորդումներին կարող եք հետևել նաև ինտերնետի միջոցով հետևյալ հասցեով՝

մնացեք խաղաղությամբ