Իսլամի մարգարեն՝ արևելագետների տեսանկյունից (26)

Բարև Ձեզ հարգարժան ռադիոլսող բարեկամներ: Հաղորդաշարի այս թողարկման ընթացքում կանդրադառնանք Մոհամմեդ մարգարեի մասին ԱՄՆ-ի հյուսիսային Կարոլինայի համալսարանի կրոնական ուսումնասիրությունների վաստակավոր պրոֆեսոր Կառլ Էռնստի տեսակետներին: Ընկերակցեք մեզ։

Տարիներ է ինչ  , Եվրոպայում և ԱՄՆ-ում, արևմտյան ԶԼՄ-ները այդ երկրների ժողովրդի մոտ սերմանում են իսլամաֆոբիա:Այս հարցը  սկսվել է արևմուտքում  միջնադարից , և հենց այդ ժամանակաշրջանից  փորձեր  են արվել  իսլամը ժողովրդին ներկայացնել ,որպես բռնի կրոն, սրի կրոն և կրոն, որը միայն սպանելով է զբաղվում:Միջնադարում որոշ գրողներ սկսեցին գրել իսլամի դեմ,սակայն շատ էլ չհաջողեցին, քանի որ այն  քրիստոնյաներն ու հրեաները, որոնք Իսլամի սկզբնական շրջանում  ապրում էին  իսլամական երկրներում, և մուսուլմանների կողքին ,ականատեսն էին    իսլամի բարեկամության  ու մեծահոգության: Արևելագետները հետագայում  օգտագործելով զանգվածային լրատվամիջոցների առաջընթացը եւ զարգացումը , հատկապես տպագրական արդյունաբերության ոլորտում ,շարունակեցին իրենց հակաիսլամ քարոզչությունը,մինչև որ 2001 թվականի սեպտեմբերի 11-ի դեպքերից հետո այն հասավ իր գագաթնակետին: 

Մեծ  Մարգարե, Մուհամմեդը կատարյալ հայելին է Ամենակարող  և միակն Աստծո ,որ արարիչն է բոլոր գեղեցկությունների: Աստված  Ս. Գրքում բարձր  է գնահատել և գովերգել ընտրյալ  մարգարեին:Ըստ սուրբ Ղուրանի՝  Մարգարեն ողորմության մարգարե է և խաղաղության ու երջանկության ավետող :Նա ուրիշների բռնության դիմաց բռնություն չէր օգտագործում : Մարգարեն իր  մեղմ ու խաղաղ բնավորությամբ  գրավում էր մարդկանց  սրտերը:Բարձրյալն Աստված «Թոբե»սուրայի 128-րդ  այաում մեծ  Մարգարեի ողորմության,  գթության , բարության  և կարեկցանքի մասին  այսպես է ասում.«Իսկապես, մարգարեն Ձեր միջից ելնելով , եկել է դեպի Ձեզ և ձեր յուրաքանչյուր  տառապանքը , թանկ է նրա համար, նա  Ձեզ հետ է ու  բարի և կարեկցող հավատացյալների հանդեպ»:

Աստծո Մարգարեի փայլուն անհատականության պատճառով իսլամի և մարգարեի դեմ հարձակումները անպատասխան չմնացին:Այս պայմաններում մուսուլմանները , մտավորականներն ու ազատականները և նույնիսկ արևմտյան մտավորականները,անտարբեր չմնալով, դիրքորոշվեցին:Պրոֆ. Կառլ Էռնստը մեկն էր այն անհատներից,ով միջամուխ դառնալով հարցին, պաշտպանը հանդիսացավ Իսլամի և իսլամի մեծ մարգարեի:Պրոֆեսոր Կառլ Էռնստը, ԱՄՆ-ի հյուսիսային Կարոլինայի համալսարանի կրոնական ուսումնասիրությունների վաստակավոր պրոֆեսոր է:Նա ծնվել է 1950-ին ԱՄՆ-ում:Նա ,1973 թվականին «համեմատական ​​կրոնի» բակալավրի կոչում ստացավ Ստենֆորդի համալսարանից և Հարվարդի համալսարանում շարունակելով իր ուսումը իր  ասպիրանտուրան ստացավ նույն  համալսարանից՝ 1981 թվականին :

Ամերիկացի այս նշանավոր պրոֆեսորը այն կարծիքի է, որ Իսլամի նկատմամբ արևմուտքի տեսակետը դաժան է ու ոխերիմ և ճիշտ չի ընկալվել իսլամը: Հետևաբար, նա իր պարտքը  համարեց պատասխանել այս գործընթացին,հեղինակելով   «Հետևել Մուհամմեդ մարգարեին» գիրքը:Այս գրքի ներածության մեջ պրոֆեսոր Էռնստը անդրադանալով իր մուսուլման չլինելուն ասում է.«Ես մուսուլման չեմ, բայց մուսուլման չլինելը ինձ չի խանգարում, որ ներկայացնեմ  փաստերը և պաշտպանեմ Ղուրանն և իսլամը, հասցեագրված անիրավություններից: Տարիների ընթացքում ես խորը կապեր եմ հաստատել մի շարք մուսուլմանների  հետ, ովքեր ինձ հրավիրել են իրենց բնակարաններ  և ինձ հյուրընկալել  իրենց ընտանեկան օջախներում:Հետևաբար, այս գրքի հարցերի բարձրացումը ամենաչնչին քայլն է  ինչ կարող եմ անել ի պատիվ այս հարաբերություններին »:

Կառլը ,մի ուրիշ տեղ, այս գիրքը հեղինակելու նպատակը այսպես է նշում.«...«Հետևել Մուհամմեդ մարգարեին» գիրքը այն նպատակով է գրվել ,որպեսզի փարատի կասկածների և թյուրիմացությունների ամպերը և առիթ ընձեռնի ,որպեսզի ընթերցողները կարողանան  ընկալել պատմական իրավիճակը և հիմնական խնդիրները, որոնք ազդում են աշխարհում մուսուլմանների և ոչ մուսուլմանների վրա»:

Պրոֆեսոր Կառլ Էռնստը ծավալուն կերպով  ուսումնասիրել է իսլամը և ճանապարհորդել իսլամական  շատ երկրներ:Այժմ նա հանրահայտ  միջազգային գործիչներից  է իսլամի պատմական ուսումնասիրությունների ոլորտում:Նա որոշ ժամանակ աշակերտել է ժամանակակից իսլամագետ տիկ. Անն-Մարի Շիմելին և իր գիրքը նվիրել է նրան:Պրոֆեսոր Էռնստը շատ հետաքրքրված է իսլամական միստիցիզմով և շատ հետազոտություններ է կատարել Շեյխ Ռուզբեհանի վերաբերյալ և Ռուզբեհանի մասին գրել  երկու գիրք։Նա  անցյալ  տարի իր այս աշխատանքների համար արժանացել է «Ֆարաբի»  փառատոնի մրցանակին :

Կառլի «Հետևել Մուհամմեդ մարգարեին» գիրքը ունի մեկ նախաբան և վեց գլուխներ:Գրքի ընհանրության մեջ  շեշտվում է իսլամի մարգարեի դերը, որպես  իսլամի իմաստն ու ոգին տարբերակելու հիմնական առաջատար անհատականություն:Երրորդ գլուխը նվիրված է «իսլամի սուրբ աղբյուրներին», Ղուրանին և մարգարեի իրավահաջորդների զրույցներին: Այս գլուխը սկսվում է իսլամի   մարգարեի կյանքով  և շեշտվում է իսլամական ուսմունքներում, իսլամի մարգարեի  առանցքային դերը, ՝ որպես «աշխարհի ժողովուրդների ողորմություն» : Պրոֆեսոր Էռնստն արծարծելով վիլայաթի հարցը  մոտենում է շիաների հայեցակետերին: Նույն գլխում նա քննարկում  է Ղուրանի նկատմամբ թշնամական դիրքորոշումները  և մանավանդ դրանցից վերջիններին ՝ Սալման Ռուշդիի «սատանայական այաներ » գրքին և պատասխանում դրանց:

Կառլ Էռնստը մեծ հարգանք է տածում Աստծո Մարգարեի նկատմամբ և մեծ  մարգարեին համարում է Իսլամի առանցքը:Նա քննարկելով իսլամաֆոբիայի ակունքները ,ուսումնասիրում է  միջնադարի գործընթացները և խաչակրաց արշավանքները, հասնելով  մինչև 21-րդ դար:Գրքի մի մասում նա գրում է .«Միջնադարում քրիստոնյա գրողները աղավաղեցին  բոլոր այն առաքինությունները, որոնք մուսուլմաններին ապացուցում էին Մուհամմեդ մարգարեի իրավացիությունը և դրանք ներկայացրեցին ,որպես թերություններ: Պարզապես  դա այն պատճառով էր ,որ  նրանք չէին ընդունում , Հիսուս Քրիստոսից հետո գա այլ մարգարե»: Նրա ուղերձը արևմուտքին հետևյալն  է, որ դուք տգիտության վարագույրի հետևում  եք տեսնում իսլամի մարգարեի հայացքը , իսկ իսլամի սկզբնավորման շրջանի   հրեաներն ու քրիստոնյաները մարգարեից երբեք նմանատիպ պատկեր չէին ներկայացնում: Նա«Հետևել Մուհամմեդ մարգարեին » գիրքը գրել է Սեպտեմբերի 11-ի դեպքից և  մուսուլմանների նկատմամբ  ճնշումները մեծանալուց հետո։ Նա Իսլամի մարգարեի համաշխարհային ողորմածության մասին  գեղեցիկ պատկեր ներկայացնելով, ճանապարհ է հարթում միջկրոնական երկխոսության համար:

Կառլ Էռնստը քննարկում է իսլամի սուրբ կրոնի երկու առանցքներ՝  Ղուրանն ու  մարգարեին։  Շատ պարագաներում նա  Ղուրանը համարում է ավելի սրբություն, քան Աստվածաշունչը և Թորան, իսկ  Մարգարեին  ներկայացնում է, որպես համաշխարհային դեմք: Նա արևմուտքցիներին ներկայացնում է  մարգարեի  բարոյական գեղեցիկ հատկությունները և բարի պահվածքը:Հատկապես Իմամ Ալիի դիտանկյունից մարգարեից գեղեցիկ պատկեր է ներկայացնում ,որի մասին իմամ Ալին անդրադարձել է «Նահջ ալ-Բալաղայում»:

Իմամ Ալին , ով բարոյականության, մարդկության և արդարության մարմնավորումն է, բազմիցս խոնարհվել և սիրով գովերգել է Մարգարեին:Նա իրեն  համարում է նրա գաղափարով դաստիարակված , և նրա ազնիվ սիրտը լի է սիրով, հավատով և նվիրվածությամբ: Նա Մարգարեի մասին ասում է . «Մեծ Մարգարեն  առաջնորդն է բարեպաշտների,իսկ առաջնորդության ձգտողների համար   միջոց է խորաթափանցության  և իմաստության համար:Նա փայլուն լույսով ճրագ է և պայծառ աստղ...Աստված մարգարեին ընտրեց մարգարեների հզոր տոհմից , և մինչ նա առաջնորդության լույսի աղբյուր և լույսի փարոս էր անգիտության խավարի  մեջ, նրան դարձրեց  իմաստնության աղբյուր:Նա  ամենուր փնտրում էր հիվանդներին և բուժում նրանց...Նրա ուղին  չափավոր է,  նրա կյանքի ընթացքը  կայուն , նրա խոսքերը ապացուցում են ճշմարտությունը և բացահայտում սխալները և նրա հրամանը արդար է...Երբեք, նրան ստախոս անվանող  թշնամիների համախմբվածությունը չհրաժարեցրեց նրան իր արդարության կոչից և ձախողեց նրանց ջանքերը, ովքեր ձգտում էին մարել նրա  առաքելության լույսը »:

Պրոֆեսոր Կառլ Էռնստը նոր հայացքով այսօրվա աշխարհին ներկայացնում է մուսուլմաններին   և ողջույն է հղում  Աստծո Մարգարեի մեծ անհատականությանը: