Иранның шығысы мен батысында жарылғыш заттардан тұратын екі жүк тиелімі анықталды
Иранның Барлау министрлігі қауіпсіздік күштерінің талпынысымен елдің шығысы мен батысында жарылғыш заттардан тұратын екі жүк тиелімінің анықталып, залалсыздандырылғанын хабарлады.
IRNA ақпарат агенттігінің хабарлауы бойынша, Иранның Барлау министрлігі сәрсенбі күнгі бір мәлімдемеде елдің барлау және қауіпсіздік күштерінің қоғамдық орындарда ауқымды лаңкестік әрекеттер мен жарылыстар жасау үшін Иранға енгізілген жарылғыш заттар мен оқ-дәрілерден тұратын екі жүк тиелімін анықтап, залалсыздандырғанын хабарлады.
Осы мәлімдеме бойынша, бірінші амалда алыстан басқарылып, жарылуға дайын 23 бомба анықталып, тәркіленген. Сауд Арабиясының барлау қызметі тарапынан жобаланып, басқарылатын бұл бомбалар Иранның шығыс облыстарында тынышсыздық тудыру мақсатында әкелінген.
Екінші амалда Иранның батысындағы Күрдістан облысының барлау басқармасына қарасты барлау және қауіпсіздік күштері лаңкестік топтарға соққы берудің жалғасында Мариванда лаңкестік-сепаратистік топтардың біріне тиесілі бірнеше бомба жасауға арналған құрал-жабдықтар мен шикізаттарды, соның ішінде жарылғыш материалдар мен TNT, С4, жарылғыш жиынтық және 150 электронды құрылғыны анықтап, тәркіледі.
