Генерал-майор Резаи: Аймақтық тұрақтылық көпжақты ынтымақтастыққа байланысты
ParsToday – Иранның Жоғарғы ұлттық қауіпсіздік кеңесінің хатшысы Ресей сыртқы істер министрі Сергей Лавровпен кездесуінде Иран мен Ресей арасындағы стратегиялық ынтымақтастықты нығайтуға Иранның бекем ниетті екенін атап өтті.
ParsToday Иран Телерадио бірлестігі хабар тарату агенттігіне сілтеме жасай отырып хабарлауынша, Иранның Жоғарғы ұлттық қауіпсіздік кеңесінің хатшысы, генерал-майор Мохсен Резаи Ресей Сыртқы істер министрі Сергей Лавровпен кездесу барысында екі ел арасындағы, аймақтағы тұрақтылықты нығайтуға, қауіпсіздікті қамтамасыз етуге, сондай-ақ аймақ елдерінің дамуы мен ілгерілеуін жеделдетуге бағытталған өзара ынтымақтастыққа қатысты стратегиялық серіктестікке ерекше тоқталды.
Осы кездесуде генерал-майор Резаи Иран Ислам Республикасының Иран мен Ресей арасындағы стратегиялық ынтымақтастықты нығайтуға деген нық шешімін атап өтті.
Екі ел арасындағы жан-жақты ынтымақтастықты кеңейтуге бағытталған Ресейдің идеялары мен бастамаларын құптай отырып, ол стратегиялық дәліздерді аяқтау сияқты бірлескен экономикалық жобалардың аймаққа тұрақтандырушы әсері бар екенін айтты.
Иранның Жоғарғы ұлттық қауіпсіздік кеңесінің хатшысы аймақтағы соғыстан кейінгі жаңа жағдайларға назар аудара отырып, аймақтық қауіпсіздік пен тұрақтылықтың сақталуы және орнықтылығы аймақ шеңберіндегі көпжақты ынтымақтастыққа байланысты екенін мәлімдеді.
Кездесу барысында Ресей Сыртқы істер министрі өз елінің халықаралық алаңдарда, соның ішінде БҰҰ Қауіпсіздік Кеңесі мен Атом Қуаты Халықаралық Агенттігі (АҚХА) Басқарушылар кеңесінде Иранның бастамалары мен мүдделерін қолдайтынын атап өтті. Сондай-ақ, ол АҚШ пен сионистік режимнің Иранға қарсы жасаған заңсыз әскери шабуылдарын, атап айтқанда, АҚХА бақылауындағы ядролық нысандарды бомбалау әрекеттерін қатаң айыптады. Бұған қоса, ол Иран мен Ресей арасындағы ынтымақтастық перспективаларының ауқымды әрі жан-жақты екенін мәлімдеді.
